নিউজ ডেস্কঃ
ক’ৰোনা আছেই, তাৰ লগতে ভূতৰ ওপৰত দানহ পৰা দি মুম্বাইৰ জনজীৱনত যোগ দিলে নিয়ম মাফিক জলযন্ত্রণা। ওৰে নিশা চলা প্ৰবল বৃষ্টিপাতত বন্যাত ভাহিল বাণিজ্য নগৰী। যাৰ ফলত চহৰখনৰ সকলো কাৰ্যালয় বন্ধ কৰি দিয়া হৈছে। বন্ধ প্ৰায় সকলো যান-বাহন। অধিক বৃষ্টিৰ পূর্বাভাসৰ ফলত মুম্বাইসহ কেইবাখনো জিলাত মঙ্গলবাৰ আৰু বুধবাৰে জাৰি কৰা হৈছে ৰেড এলাৰ্ট।
বৃহত্ৰ মুম্বাই মিউনিচিপাল কর্পৰেচন (বিএমচি)ৰ তৰফৰ পৰা সকলো কাৰ্যালয় বন্ধ ৰখাৰ ঘোষণা কৰা হৈছে। টুইট কৰি চহৰবাসীক জনাই দিয়া হৈছে, ‘‘ওৰে নিশা হোৱা প্ৰবল বৃষ্টিপাতৰ কাৰণে আৰু বতৰ বিজ্ঞান কেন্দ্ৰই অধিক বৃষ্টিৰ পূর্বাভাস দিয়াত জৰুৰী সেৱা বাদ দি চহৰৰ সকলো কাৰ্যালয় মঙ্গলবাৰে বন্ধ থাকিব।
পৌৰসভা সূত্রে জনোৱা মতে, মুম্বাইৰ প্ৰায় ২৬টা স্থান জলমগ্ন। বুকু পৰ্যন্ত পানী জমা হৈছে ঠাই বিশেষে। গোড়েগাঁও, কিং চার্কোল, হিন্দমাতা, দাদৰ, শিৱাজী চক, শেষ কলোনা, কুৰলা বাছ ডিপো, বান্দ্রা টকিজ, চিঅন ৰোডৰ দৰে এলেকা পানীৰ তলত।
ইয়াৰ উপৰি চহৰতলিৰ কান্দিভেলি এলেকাত ৱেস্টার্ন এক্সপ্রেছ হাইৱেত মঙ্গলবাৰে পুৱা ভূমিস্খলন হয়। ফলত পশ্চিম চহৰতলিৰ পৰা দক্ষিণ মুম্বাইলৈ যোৱা পথত যান-বাহন চলাচলত সমস্যা সৃষ্টি হয়।
ইফালে বতৰ বিজ্ঞান বিভাগে মঙ্গলবাৰে পুৱাৰ পূর্বাভাসত আৰু প্ৰায় ২৪ ঘণ্টা দুর্যোগ চলিব বুলিও পূর্বাভাস দিছে। ফলত থানে, পুণে, ৰায়গড় আৰু ৰত্নগিৰি জিলাতো ৰোড এলাৰ্ট জাৰি কৰিছে প্রশাসনে।
