নিউজ ডেস্ক:
মঙ্গলবাৰে নিশা হঠাৎ আহে অপ্রত্যাশিত দুঃসংবাদটো। ষ্টেজ ৩ হাওঁফাওঁৰ কেন্সাৰত আক্রান্ত অভিনেতা সঞ্জয় দত্ত। কেইবাটাও সংবাদ মাধ্যমে আকৌ ‘সঞ্জু বাবা’ ষ্টেজ ৪ কেন্সাৰত আক্রান্ত বুলিও প্ৰকাশ কৰিছে।
এই ৰিপোর্ট অহাৰ লগে লগেই বলিউডত পুনৰ আৰু এটা ডাঙৰ আঘাত লাগে। কিছুদিন পূৰ্বে সামান্য শ্বাসকষ্ট লৈ হস্পিটেলত ভর্তি হৈছিল সঞ্জয় দত্ত। কিন্তু তাৰ ফলাফল যে এনেকুৱা হ’বলৈ গৈছে তাক বোধহয় দুঃস্বপ্নতো কল্পনা কৰিবলৈ পৰা নাই কোনোৱে।
মুম্বাইৰ লীলাবতী হস্পিটেলত যোৱা সপ্তাহৰ শেষত ভর্তি আছিল তেওঁ। যোৱা সোমবাৰে তেওঁক হস্পিটেলৰ পৰা যাবলৈও দিয়া হয়। এতিয়া যিমান পাৰি সোনকালে সঞ্জুক আমেৰিকালৈ নি চিকিৎসা কৰোৱাৰ কথা চলিছে।
এই মুহূর্তত অৱশ্যে সঞ্জয় দত্তৰ ওচৰত নাইই তেওঁৰ পত্নী মান্যতা দত্ত। দুই যমজ সন্তানৰ লগত তেওঁ এই মুহূর্তত ডুবাইত আছে। স্বাভাবিকতেই এই অৱস্থাত দুশ্চিন্তাত পৰিছে তেওঁ। সৰু সৰু দুই সন্তান আৰু মান্যতাৰ বাবে চিন্তা কৰিছে সঞ্জয় দত্তইও।
কিন্তু এই মুহূর্তত যাতে কোনো ধৰণৰ বিভ্রান্তমূলক খবৰ বা গুজব কোনেও নৰটে, তাক লৈ সচেতন মান্যতা। এক বিবৃতিতে সেই সম্পর্কে স্পষ্টভাবেই সকলোকে সাৱধান কৰিছে তেওঁ। মান্যতাই কয়, ‘‘মই সকলোকে ধন্যবাদ জনাইছো যিসকলে সঞ্জুৰ বাবে প্রার্থনা আৰু আৰোগ্যবার্তা পঠাইছে।
আমি এই পৰিস্থিতি পাৰ কৰিবলৈ সকলোৰে প্রার্থনাৰ শক্তিত ভৰসা ৰাখিছোঁ। এই পৰিয়ালটো অতীতত বহু যুদ্ধৰ মাজেৰে আহিছে। কিন্তু আমি আশাবাদী, এই যুদ্ধও আমি জয় কৰিম। সকলোৰে ওচৰত আমি হাত জোৰ কৰি এটাই অনুৰোধ জনাইছো, কোনো ধৰণৰ গুজব বা অনুমানভিত্তিক খবৰ যেন নিবিয়পায়।
কেৱল আপোনালোকৰ ভালপোৱাৰে আমাক আগুৱাই যাবলৈ সহায় কৰক। সঞ্জু সকলো সময়তে এজন যোদ্ধা আছিল, আমাৰ পৰিয়ালো। ঈশ্বৰে এইবাৰ আমাক বাছি লৈছে আৰু এটা কঠিন পৰীক্ষাৰ বাবে। আপোনালোকৰ ভালপোৱা আৰু প্রার্থনাই আমাক এই যুদ্ধ জয় কৰাত সহায় কৰিবে।’’
