ষ্টাফ ৰিপ’ৰ্টাৰ:
ৰিপাব্লিক টিভিৰ মুখ্য সম্পাদক অৰ্ণৱ গোস্বামী গ্ৰেপ্তাৰ কৰা আৰু তেওঁৰ পৰিয়ালক শাৰীৰিকভাৱে অপদস্থ কৰা ঘটনাক ৰহস্য জনক আখ্যা জাৰ্ণেলিষ্ট এছ’চিয়েছন অৱ্ আছাম “জা” আৰু নেশ্চনেল ইউনিয়ন অৱ্ জাৰ্ণেলিষ্ট ইণ্ডিয়া, এনইউজেআই।
কংগ্ৰেছ আৰু শিৱসেনা নেতৃত্বাধীন মহাৰাষ্ট্ৰ চৰকাৰে আক্ৰোশমূলকভাৱে গ্ৰেপ্তাৰ কৰা কাৰ্য গণতন্ত্ৰৰ চতুৰ্থ স্তম্ভ ওপৰত আক্ৰমণৰ এই ঘটনাক কঠোৰ ভাষাৰে গৰিহণা দি “জা” ৰ সভাপতি ধীৰেন্দ্ৰ নাথ চক্ৰৱৰ্তী আৰু মূখ্য উপদেষ্টা তথা এনইউজেআই ৰাষ্ট্ৰীয় উপ- সভাপতি ভূপেন গোস্বামী, সাধাৰণ সম্পাদক ডালিম ফুকনে কয়- শিৱসেনা নেতৃত্বাধীন মহাৰাষ্ট্ৰ চৰকাৰৰ স্বৰূপ লজ্জাজনকভাৱে উদঙাই দিছে।তাৰে প্ৰতিশোধ লৈছে।
সংবাদ মাধ্যমৰ কণ্ঠ ৰুদ্ধ কৰাৰ এনে চক্ৰান্তত জড়িত থকা আৰক্ষীৰ বিৰুদ্ধে শান্তি মূলক ব্যৱস্থা গ্ৰহণৰ দাবী জনাই লগতে গোস্বামীক বিনা চৰ্ত্তে মুকলি কৰি দিয়া আহ্বান জনাই সন্থা দুটাই।
সাংবাদিকৰ ওপৰত আৰক্ষীৰ অত্যাচাৰ কোনো কাৰণতে সহ্য কৰা নহব বুলি সংগঠনটোৰ তৰফৰ পৰা মহাৰাষ্ট্ৰ চৰকাৰ আৰু আৰক্ষী প্ৰশাসনক সকিয়ানি প্ৰদান কৰিছে।
