নিউজ ডেস্কঃ
আকাশীপথেৰে শুক্রবাৰে ওড়িশা আৰু পশ্চিমবঙ্গত ঘূর্ণী বতাহ পৰৱর্তী পৰিস্থিতি পৰিদৰ্শনৰ পিছত ক্ষতিগ্রস্ত ৰাজ্যবোৰৰ বাবে ১ হাজাৰ কোটি টকাৰ আর্থিক সাহায্যৰ কথা ঘোষণা কৰে প্রধানমন্ত্রী নৰেন্দ্র মোদীয়ে। ইয়াৰ ভিতৰত ওড়িশাক ৫০০ কোটি আৰু পশ্চিমবঙ্গ আৰু ঝাড়খণ্ডক মিলাই ৫০০ কোটি টকা দিয়া হ’ব ।
শুক্রবাৰে প্রধানমন্ত্রীৰ সচিবালয়ে জনাইছে, য়াশৰ ফলত ক্ষতিগ্রস্ত পৰিয়ালবোৰৰ প্রতি মোদীয়ে সমবেদনা জনাই জৰুৰীকালীন সাহায্যৰ বাবে ১,০০০ কোটি টকা আর্থিক সাহায্যৰ কথা ঘোষণা কৰিছে। চৰকাৰী বিবৃতিটোত কোৱা হৈছে, ওড়িশাৰ ভদ্রক আৰু বালেশ্বৰ জিলা আৰু পশ্চিমবঙ্গৰ পূব মেদিনীপুৰ জিলাত ঘূর্ণী বিধ্বস্ত এলেকাবোৰ আকাশীপথেৰে পৰিদর্শন কৰে প্রধানমন্ত্রীয়ে। লগত আছিল মন্ত্রীসভাৰ কেইবাজনো সদস্য। তেওঁলোকে য়াশত ক্ষয়-ক্ষতিৰ পর্যালোচনা কৰিছে।
উল্লেখ্য, য়াশ ঘূর্ণী বতাহৰ কাৰণে মৃতসকলৰ পৰিয়ালক ২ লাখ আৰু আহতসকলক ৫০ হাজাৰ টকাকৈ আর্থিক সাহায্যৰ সিদ্ধান্ত লোৱা হৈছে। প্রধানমন্ত্রীয়ে জনাইছে, ইয়াৰ উপৰি ৰাষ্ট্ৰীয় বিত্তীয় আয়োগৰ ওচৰত দুৰ্যোগ ব্যৱস্থাপনাৰ বাবে ৩০ হাজাৰ কোটি টকা আবণ্টনৰ আবেদন কৰা হ’ব। তেওঁ জনাইছে, বঙ্গোপসাগৰ আৰু আৰব সাগৰৰ উপকূলৱর্তী এলেকাত দুৰ্যোগ ব্যৱস্থাপনাৰ বিষয়টিত বিজ্ঞানসন্মত মোকাবিলাৰ বিষয়ত জোৰ দিয়া হ’ব।
