নিউজ ডেস্কঃ
কেন্দ্রৰ টীকাকৰণ নীতিক লৈ শীর্ষ আদালতৰ কটাক্ষৰ সন্মুখীন হ’বলগা হ’ল কেন্দ্র। সোমবাৰে কোভিড টীকা সন্দৰ্ভত গোচৰৰ শুনানিত ছুপ্রিম কোর্টৰ ন্যায়াধীশসকলে জনাইছে, এই নীতিত গ্রামাঞ্চল অৱহেলিত। যাৰ সংশোধনৰ প্রয়োজন। কেন্দ্র আৰু ৰাজ্যক যৌথভাবে নীতি গ্রহণৰ কথা কৈছে শীর্ষ আদালতে। আনকি কো–উইন এপত পঞ্জীয়নক লৈও কেন্দ্রৰ বিৰুদ্ধে ক্ষোভ উজাৰিছে শীর্ষ আদালতৰ ন্যায়াধীশে।
সোমবাৰে এই সংক্রান্তীয় গোচৰৰ শুনানিত ন্যায়াধীশৰ প্রশ্ন, প্ৰব্ৰজিত শ্রমিক, কৃষকসকলে কেনেদৰে এপ ব্যৱহাৰি কৰি নিজৰ পঞ্জীয়ন কৰাব? কেন্দ্রই ভাবে নেকি যে সকলোৱেই ডিজিটেল মাধ্যমত ইমানখিনি সক্রিয়? ইয়াৰ পিছতেই শীর্ষ আদালতৰ পৰামর্শ, টীকা নীতি সুস্পষ্ট আৰু সৰল কৰিব লাগিব।
ইয়াৰ উপৰি আজিৰ শুনানিতত চৰকাৰী আৰু বেচৰকাৰী স্তৰত টীকাৰ দুই ধৰণৰ মূল্যক লৈও কেন্দ্রক প্রশ্ন কৰে ছুপ্রিম কোর্টৰ ন্যায়াধীশসকলে। কেন্দ্রৰ হৈ ইয়াৰ উত্তৰ দিয়ে ছলিচিটৰ জেনেৰেল তুষাৰ মেহতাই। তেৱোঁ ভর্ৎসনাৰ সন্মুখীন হ’বলগা হয়। শীর্ষ আদালতৰ পৰামর্শ, দেশজুৰি টীকাৰ এটাই মূল্য হোৱা উচিত।
উল্লেখ্য, কেন্দ্রই দাবী কৰিছে যে ২০২১ৰ ডিচেম্বৰৰ ভাতৰত টীকাকৰণ প্রক্রিয়া সম্পূর্ণ হোৱাৰ লক্ষ্যত আগবাঢ়িছে। কিন্তু তাৰ মাজতেই টীকা নীতিক লৈ ছুপ্রিম কোর্টৰ একাধিক সমালোচনাৰ মুখত পৰিবলগা হ’ল দিল্লী।
