নিউজ ডেস্কঃ
কৰোনা নিয়ন্ত্রণৰ পিছত টীকাকৰণ নীতিক লৈও তুমুল সমালোচনাৰ সন্মুখীন হৈছে মোদী চৰকাৰ। টীকা নীতিত চৰম বৈষ্যম আছে বুলিও অভিযোগ তোলে বিৰোধী নেতাৰ পৰা সাধাৰণ মানুহে। তাৰ পিছতেই সোমবাৰে জনতাক উদ্দেশ্যে দিয়া ভাষণত নতুন টীকা নীতি ঘোষণা কৰে প্রধানমন্ত্রীয়ে। কেন্দ্রীয় বিত্ত মন্ত্ৰালয়ৰ এটি সূত্রই প্ৰকাশ কৰা মতে, এই নতুন টীকা নীতিৰ বাবে চৰকাৰৰ প্রায় ৫০ হাজাৰ কোটি টকা খৰচ হ’ব।
উল্লেখ্য, সোমবাৰে মোদীয়ে জনায়, ২১ জুনৰ পৰা ১৮ বছৰৰ বেছি বয়সীয়াসকলেও বিনামূল্যে টীকা পাব। লগতে ৰাজ্যৰ পৰা টীকাকৰণৰ নিয়ন্ত্রণ পুনৰ নিজৰ হাতলৈ নিছে কেন্দ্রই। সূত্র মতে, ইয়াৰ বাবে কেন্দ্রৰ ৫০ হাজাৰ কোটি টকা খৰচ হ’ব। আনহাতে, সূত্ৰটোৰ মতে চৰকাৰৰ হাতত যথেষ্ট ধন আছে। সেয়ে খৰচ কৰিবলৈ পৰিপূৰক অনুদানৰ প্রয়োজন নাই।
