নিউজ ডেস্কঃ
বার্গাৰ অর্ডাৰ কৰি পেকেট খুলি কামোৰ দিছিল ষ্টেফানি বেনিটেজে। কিন্তু ই কি? বার্গাৰৰ ভিতৰত কটা আঙুলি! তাকো গেলা-পচা। বলিভিয়াৰ এখন জনপ্রিয় বার্গাৰৰ দোকানৰ পৰা যোৱা দেওবাৰে এই বার্গাৰ অর্ডাৰ কৰিছিল ষ্টেফানিয়ে। কিন্তু উক্ত বার্গাৰৰ পেকেট খুলি কামোৰ দিবলৈ গৈ তেওঁ দেখে, তাৰ ভিতৰত আছে মানুহৰ কটা আঙুলি! ফেচবুকত ছবি দি এই ঘটনা বিস্তাৰিতভাৱে জনালে তেওঁ।
ফেচবুকত ছবি পোষ্ট কৰাৰ পিছত এটি ভিডিও পোষ্ট কৰে ষ্টেফানিয়ে। তাত শুনা গৈছে তেওঁ দোকানীক বিষয়টো সন্দৰ্ভত জনাওঁতে কৈছে, ‘‘আপোনাক কি ক্ষতিপূৰণ দিব লাগিব কওক৷ আমি দিবলৈ ৰাজী আছো।’’ পিছত এই ঘটনা ভাইৰেল হৈ পৰাত বার্গাৰ প্রস্তুতকাৰক কোম্পানীৰ তৰফৰ পৰা কোৱা হয়, ‘‘ঘটনাটিৰ বাবে আমি ক্ষমাপ্রার্থী! আমাৰ এজন কর্মচাৰীৰ এটি আঙুলি কটা গৈছিল বার্গাৰ তৈয়াৰৰ সময়ত। এয়া সেই কাৰণেই ঘটিছে।’’ অৱশ্যে প্রশাসনৰ তৰফৰ পৰা কটোৰ ব্যৱস্থা লোৱা হৈছে। সম্প্ৰতি বন্ধ কৰি দিয়া হৈছে কোম্পানীটোৰ সকলো দোকান, জৰিমনাও বিহা হৈছে।
