ষ্টাফ ৰিপ’ৰ্টাৰঃ
অসম আৰক্ষীৰ ক্ৰাইম ব্ৰান্সৰ জিম্মাত বন্দী হৈ থকা মাওবাদী কেন্দ্ৰীয় সমিতিৰ দুৰ্ধর্ষ নেতা অৰুণ কুমাৰ ভট্টাচাৰ্য ওৰফে কাঞ্চন দা ওৰফে জ্যোতিষক (৭২) তেলেংগনাৰ আৰক্ষীৰ জেৰা। তেলেংগানৰ আৰক্ষীৰ অধীক্ষকে গুৱাহাটী ক্ৰাইম ব্ৰান্সত উপস্থিত হৈ দুৰ্ধর্ষ মাওবাদী নেতা কাঞ্চনক মাৰাথন জেৰা আৰম্ভ কৰিছে।
উল্লেখ্য যে তেলেংগানা আৰক্ষীয়ে নিজ জিম্মাত লোৱাৰ সম্ভাৱনা অসম আৰক্ষীয়ে গ্ৰেপ্তাৰ কৰা দুৰ্ধর্ষ মাওবাদী নেতা কাঞ্চন আৰু সহযোগী আকাশ ওৰাংক। ইয়াৰ উপৰিও মাওবাদী নেতা দুগৰাকীক জেৰা কৰাৰ বাবে কলিকতা আৰক্ষীৰ এটা দলো অসমত উপস্থিত হৈছে। গুৰুত্বপূৰ্ণ কথা যে দুয়োজন মাওবাদী নেতাক ক্ৰাইম ব্ৰাঞ্চে ৯ দিনৰ জিম্মাত লৈছে। ক্ৰাইম ব্ৰাঞ্চৰ জিম্মাৰ শেষ হোৱা পাছতেই বিভিন্ন ৰাজ্যৰ আৰক্ষীয়ে নিজৰ জিম্মাত লোৱাৰ সম্ভাৱনা অধিক প্ৰকট হৈ উঠিছে। কিয়নো দেশৰ ভিন্ন প্ৰান্তত বহুকেইখন ৰাজ্যত দুৰ্ধর্ষ মাওবাদী নেতাগৰাকী বিৰুদ্ধে ৰুজু হৈ আছে প্ৰায় ২০০ অধিক গোচৰ।
উল্লেখ্য যে মাওবাদী কেন্দ্ৰীয় নেতাগৰাকীৰ মূৰৰ মূল্য নিৰ্ধাৰণ কৰা আছিল প্ৰায় ৩ কোটি টকা।
আনহাতে অসম আৰক্ষীৰ বিশেষ সূত্ৰ খবৰ অনুসৰি ২০১৯চনৰ পৰা অসমৰ বৰাক উপত্যকাত বাঁহৰ পাতি আছিল দুৰ্ধর্ষ নেতাগৰাকীয়ে। মূলতঃ অসমত মাওঁবাদী ভেঁটি শক্তিশালী কৰা পৰিকল্পনা কৰিছিল কাঞ্চনে। ২০০৪ চনত মাওবাদীত যোগদান কৰা কাঞ্চন আছিল এগৰাকী চিভিল ইঞ্জিনীয়াৰ। বিগত দুটা বৰ্ষত ৰাজ্যত তেওঁ ৰচনা কৰিছিল মাওবাদী সংবিধান। সশস্ত্ৰ সংগ্রাম এৰি মূল সুঁতিলৈ উভতি অহা একাংশ বিদ্রোহীক পুনৰ মাওবাদী প্ৰতি আকৰ্ষিত কৰিছিল।
