আধুনিক জীৱনযাত্রাৰ কাৰণে বহু লোক কোষ্ঠকাঠিন্য, গেছ, বদহজমৰ সমস্যাত ভোগে। অস্বাস্থ্যকৰ জীৱন-যাপন, মচলাদাৰ খাদ্য খোৱাৰ প্রৱণতা, নিয়মিত শৰীৰচর্চা নকৰাৰ ফলত হজমজনিত বিভিন্ন সমস্যা দেখা যায়। কিন্তু বদহজম সংক্রান্তীয় সমস্যা সৃষ্টি হয় কিছু ভুল খাদ্যাভ্যাসৰ কাৰণে। খোৱাৰ সময়ত অসতর্কতাৰ কাৰণে কিছু কিছু ভুল হৈ যায়। যি বদহজমৰ কাৰণ হ’ব পাৰে।
হজমৰ সমস্যা দেখা দিয়াৰ কাৰণ
১) ভোক নালাগিলেও খোৱা : ভোক লাগিলেহে খাদ্য খোৱাৰ কথা সকলো সময়তেই চিকিৎসকসকলে কৈ থাকে। খাদ্যৰ প্রয়োজন হ’লে শৰীৰে সেয়া জনাই দিব। শৰীৰৰ সংকেত অবিহনে খাদ্য খালে পাকস্থলী সেই খাদ্য ধাৰণ কৰাৰ বাবে প্রস্তুত নাথাকে। ফলত বদহজমৰ দৰে সমস্যাই দেখা দিয়ে।
২) খোৱাৰ আগতে পানী খোৱা : হজমৰ বাবে প্রয়োজন গেষ্ট্ৰিক ৰস। খোৱাৰ আগতে বা পিছত পানী খালে গেষ্ট্ৰিক ৰস পাতল হৈ যায় আৰু ৰক্তত ইনছুলিনৰ মাত্রা বাঢ়ি যায়। ইয়াৰ ফলত হজমৰ গণ্ডগোল হয়। খোৱাৰ সময়ত পানী খোৱাৰ ফলত পৰিপাক ক্রিয়াও দ্রুত হয়। সেয়ে খোৱাৰ ঠিক আগতে পানী খোৱাটো উচিত নহয়।
৩) খোৱাৰ সময়ত অন্য কাম কৰা : ব্যস্ততাময় জীৱনত টোপনি, খোৱাৰ বাবে পৃথক কোনো সময় নাথাকে। বহু সময়ত অফিচত কামৰ মাজতেই খাবলগা হয়। চিকিৎসকৰ মতে, খোৱাৰ সময়ত অন্য কাম নকৰাই ভাল। অমনোযোগী হ’লে বেছি খাদ্য খোৱাৰ আশঙ্কা থাকে। প্রয়োজনৰ তুলনাত বেছি খাদ্য খালে বদহজম হ’ব পাৰে। সেয়ে কাম কৰি কৰি খাদ্য নোখোৱাই ভাল।
