বাৰৰ পৰা ঘৰলৈ উভতাৰ পথত এগৰাকী কিশোৰীক এখন মাৰ্ছিডিজৰ ভিতৰত গণধর্ষণ কৰে পাঁচ নাবালকে। হায়দৰাবাদৰ এজন বিধায়ক পুত্রসহ পাঁচজনৰ বিৰুদ্ধে এই অভিযোগ উঠিছে। ঘটনা সংঘটিত হোৱাৰ কেইদিনমান পিছত বুধবাৰে সেয়া প্রকাশ্যে আহে। এই পর্যন্ত অভিযুক্তকেইজনক গ্রেপ্তাৰ কৰিব পৰা নগ’লেও সিহঁতৰ বিৰুদ্ধে পক্সো আইনত গণধর্ষণৰ গোচৰ ৰুজু কৰা বুলি আৰক্ষীয়ে জনাইছে।
আৰক্ষী সূত্র মতে, যোৱা শনিবাৰে নিশা জুবিলি হিলছ এলেকাত এখন মাৰ্ছিডিজৰ ভিতৰত পাঁচ নাবালকে মিলি ১৭ বছৰীয়া নাবালিকাগৰাকীক ধর্ষণ কৰাৰ অভিযোগ। চহৰখনৰ অভিজাত এলেকা হিচাবে পৰিচিত জুবিলি হিলছৰ এখন বাৰত শনিবাৰে সন্ধ্যা বন্ধুৰ সৈতে পার্টিলৈ গৈছিল কিশোৰীগৰাকী।
আৰক্ষীৰ ওচৰত কিশোৰাগৰাকীৰ দাবী, পার্টিত এজন ল’ৰাৰ সৈতে তেওঁৰ চিনাকি হয়। ল’ৰাটোৰ সৈতে কেইজনমান বন্ধুও আছিল। নিজৰ বন্ধুবোৰক এৰি উক্ত ল’ৰাটোৰ সৈতে বাৰৰ পৰা ওলাই আহে কিশোৰীগৰাকী।তেওঁৰ দাবী, ল’ৰাজনে তেওঁক ঘৰত থৈ আহিব বুলিও কৈছিল৷ তাৰ পূৰ্বে তেওঁলোক এখন পেষ্ট্ৰি শ্বপলৈও যায়। অভিযোগ, তাৰ পৰা মাৰ্ছিডিজত উঠি যোৱাৰ সময়ত জুবিলি হিলছত তেওঁলোকে গাড়ীখন ৰখায়। তাতেই গাড়ীৰ ভিতৰত এজন এজনকৈ গণধর্ষণ কৰে তেওঁক।
পৰিয়ালৰ দাবী, ঘটনাৰ পিছত ঘৰলৈ উভতি অহাত কন্যাৰ শৰীৰত ক্ষতচিহ্ন দেখা পায় পিতৃয়ে। সেই সময়ত তেওঁ কৈছিল যে পার্টিত কেইজনমান ল’ৰাই তেওঁক আক্রমণ কৰাত এনে ক্ষতৰ সৃষ্টি হৈছে। লগে লগে পৰিয়ালে আৰক্ষীৰ ওচৰত ঘটনাটোৰ অভিযোগ জনাবলৈ যায়। প্রথমে তাত শ্লীলতাহানিৰ ৰিপোর্ট দাখিল কৰিছিল যদিও ঘটনাৰ জবানবন্দী লোৱাৰ সময়ত কিশোৰীগৰাকীয়ে আৰক্ষীৰ ওচৰত গণধর্ষণৰ অভিযোগ কৰে। পিছত নির্যাতিতাৰ শাৰীৰিক পৰীক্ষা কৰায় আৰক্ষীয়ে।
ঘটনাটোত জড়িত হৈ পৰিছে ৰাজ্যখনৰ সংখ্যালঘু বোর্ডৰ অধ্যক্ষ তথা বিধায়ক পুত্রৰ নাম। লগতে পাঁচোজনেই স্কুলৰ ছাত্ৰ বুলি সূত্রৰ খবৰ। বৰ্তমানহ চিচি টিভি ফুটেজ পৰীক্ষা কৰি অভিযুক্তকেইজনক চিনাক্ত কৰাৰ প্ৰক্ৰিয়া আৰম্ভ কৰিছে আৰক্ষীয়ে।’’
