ত্ৰয়োদশ কাৰবি আংলং স্বায়ত্তশাসিত পৰিষদৰ অধ্যক্ষ পদৰ বাবে ৰাজু তিচ’ৰ মনোনয়ন পত্ৰ দাখিল

সদ্য সমাপ্ত ত্ৰয়োদশ কাৰবি আংলং স্বায়ত্তশাসিত পৰিষদৰ নিৰ্বাচন সমাপ্ত হোৱাৰ পিছত নতুনকৈ গঠন হব কাৰবি আংলং স্বায়ত্তশাসিত পৰিষদৰ ত্ৰয়োদশ কাৰ্যকালৰ ৷

এইলৈ পৰিষদৰ ১৪ নং কৰকাণ্ঠি পৰিষদীয় সমষ্টিৰ বিজেপি দলৰ নিৰ্বাচিত প্ৰাৰ্থী ৰাজু তিচ’ৱে আজি বিজেপি দলীয়-কৰ্মী সমৰ্থক সকলক লগতলৈ কাৰবি আংলং স্বায়ত্তশাসিত পৰিষদৰ ত্ৰয়োদশ কাৰ্যকালৰ অধ্যক্ষ পদৰ বাবে নিজৰ মনোনয়ন পত্ৰ দাখিল কৰে ৷

মনোনয়ন পত্ৰ দাখিলৰ সময়ত প্ৰথম আৰু দ্বিতীয় প্ৰস্তাৱক হিছাপে থাকে ক্ৰমে বিজেপিৰ নিৰ্বাচিত সদস্য অমৰছিং তিছ’ আৰু ৰিছাৰ্ড টকবী ৷

ৰাজু তিচ’ৱে কাৰবি আংলং স্বায়ত্তশাসিত পৰিংষদৰ সাংবিধানিক বিভাগৰ যুটীয়া সচিব বীৰছিং ইংতিৰ ওচৰত নিজৰ মনোনয়ন পত্ৰ দাখিল কৰে ৷ ৰাজু তিচ’ৰ মনোনয়ন পত্ৰ দাখিলৰ বিৰুদ্ধে কোনো প্ৰতিদ্বন্ধী নাছিল বাবে অধ্যক্ষ পদৰ বাহে ৰাজু তিচ’ৰ পথ প্ৰশস্ত হ’ল, কেৱল মাত্ৰ আনুষ্ঠিনিকতাহে বাকী আছে ৷