গুজৰাটত আগবাঢ়িছে বিধানসভা নিৰ্বাচনৰ প্ৰচাৰ।অৱশ্যে নিৰ্বাচনৰ প্ৰাকক্ষণত উৎসৱৰ বতৰৰ মাজভাগত এক বৃহৎ দুৰ্যোগৰ সৃষ্টি হয় ৰাজ্যখনত। মৰ্বিত নদীৰ ওপৰত থকা দলং ভাঙি পৰাত বহু লোকে প্ৰাণ হেৰুৱায়, লগতে বহু লোক আহত হয়।
তাৰ মাজতে গুজৰাটৰ দুখন জিলাত বসবাস কৰা পাকিস্তান, আফগানিস্তান, বাংলাদেশৰ পৰা অহা অনুপ্ৰৱেশকাৰীসকলক ভাৰতীয় নাগৰিকত্ব দিয়াৰ কথা ঘোষণা কৰিছে গৃহ পৰিক্ৰমা মন্ত্ৰালয়ে। এফালে নিৰ্বাচন আগলৈ আৰু ইয়াৰ আগত থকা দুৰ্যোগৰ সময়ত এই পৰিস্থিতিত এই ঘোষণাক ৰাজনৈতিকভাৱে অতি তাৎপৰ্যপূৰ্ণ বুলি জ্ঞাত মহলে বিবেচনা কৰে।
গুজৰাটৰ আনন্দ আৰু মেহছানা নামৰ দুখন জিলাত বসবাস কৰা পাকিস্তান, আফগানিস্তান আৰু বাংলাদেশৰ পৰা অহা হিন্দু, শিখ, বৌদ্ধ, জৈন, পাৰ্চী আৰু খ্ৰীষ্টানসকলক ভাৰতীয় নাগৰিকত্ব প্ৰদানৰ সিদ্ধান্ত লোৱা হৈছে।
১৯৫৫ চনৰ নাগৰিকত্ব আইনৰ অধীনত তেওঁলোকক নাগৰিকত্ব প্ৰদান কৰা হʼব বুলিও জনোৱা হৈছে। দলং দুৰ্যোগৰ পিছত এই ঘোষণাৰ পিছতে বহু বিৰোধী ৰাজনৈতিক দলে ইয়াৰ সমালোচনা কৰি কয় যে এই ঘোষণা দলং দুৰ্যোগৰ পৰা দৃষ্টি আঁতৰাবলৈ কৰা হৈছে।
