কোনটো দলে কোন ৰাজ্যৰ বিধানসভা দখল কৰিব, কেইঘণ্টামানৰ পিছতে সেয়া পৰিষ্কাৰ হʼব। আজি দেশৰ ৩ খন ৰাজ্যত চলি আছে বিধানসভাৰ ভোট গণনা। ২০২৪ চনৰ লোকসভা নিৰ্বাচনৰ পূৰ্বে উত্তৰ-পূব (North East) ভাৰতৰ তিনিখন ৰাজ্যৰ বিধানসভা নিৰ্বাচনৰ ফলাফল (Election Result) যথেষ্ট তাৎপৰ্যপূৰ্ণ বুলি বিবেচিত হৈছে।
ত্ৰিপুৰা (Tripura), মেঘালয় (Meghalaya) আৰু নাগালেণ্ডত (Nagaland) চলি আছে ভোটগণনা। ২৭ ফেব্ৰুৱাৰীত অনুষ্ঠিত হৈছিল মেঘালয় আৰু নাগালেণ্ডত বিধানসভা নিৰ্বাচন। আজি পুৱা ৮ বজাৰ পৰা গণনা আৰম্ভ হয়। শেহতীয়া তথ্য মতে, ত্ৰিপুৰাত আৰম্ভণিৰে পৰা গেৰুৱা শিবিৰে অগ্ৰগতি লাভ কৰিছে। একেদৰে মেঘালয়ত এন পি পি আৰু নাগালেণ্ডত এন ডি পি পি-বিজেপি মিত্ৰজোট আগবাঢ়ি আছে।
