পাহাৰীয়া জিলা কাৰবি আংলঙ (Karbi Anglong) আৰু পশ্চিম কাৰবি আংলং (West Karbi Anglong) জিলাৰ জনসাধাৰণৰ নিৰাপত্তাৰ (Public safety) বাবে নিয়োজিত ২০ বিএন চিআৰপিএফে (20 Bn CRPF) সাধাৰণ জনতাৰ সৈতে সৌহাৰ্দমূলক আৰু বন্ধুত্ব সুলভ মনোভাৱ প্ৰদৰ্শনৰ বাবে জিলাখনৰ বিভিন্ন স্থানত চিভিক একছন কাৰ্যসূচীৰ (Civic Action Program) জৰিয়তে বিভিন্ন জনকল্যাণমূলক (Welfare Program) আঁচনি ৰূপায়ণ কৰি আহিছে ৷
তাৰে অংশ স্বৰূপে আজি বিয়লিৰ ভাগত কাৰবি আংলং জিলাৰ বোকাজান মহকুমাৰ সমীপৰ বংৰুঙ গাঁৱত ২০০০ লিটাৰ ক্ষমতা সম্পন্ন এটা পানীৰ টেংকিসহ (water tanks) বিশুদ্ধ খোৱা পানীৰ (Drinking water) বাবে ব’ৰ ওৱেল, কালভাৰ্ট আৰু খটখটী চিআৰপিএফ কেম্পৰ ৩নং গেটৰ সন্মুখত এটি মেৰামতি কৰা বাছৰ জিৰণি চ’ৰা (Rest house) ৰাইজৰ বাবে মুকলি কৰি দিয়া হয় ৷ ব’ৰ ওৱেলৰ শুভ উদ্ধোধন কৰে ইউনাইটেড ইন্টাৰনেছনেল বংৰুং মিছনৰ সভাপতি খ্ৰীষ্টফাৰ প্ৰিঞ্চ ফাৰ্ণাণ্ডেজে ৷ খটখটী চিআৰপি এফৰ ৩নং গেটৰ ওচৰত মেৰামতি কৰা বাছৰ জিৰণি চ’ৰা উদ্ধোধন কৰে খটখটীৰ জি চি চিআৰপিএফৰ কামাণ্ডেণ্ট গোপাল যাদৱে ৷
আনহাতে ভিতৰুৱা বংৰুং গাৱঁৰ পথৰ ওপৰত ৰাইজৰ সুবিধাৰ বাবে এটি সৰু কালভাৰ্ট সদৃশ আৰচিচি দলঙৰ উদ্ধোধন কৰে ইউনাইটেড ইনটাৰনেছনেল মিচন অফ বংৰুঙৰ সভাপতি খ্ৰীষ্টফাৰ প্ৰিঞ্চ ফাৰ্ণাণ্ডেজে৷ এই উপলক্ষে তিনিটা কাৰ্যসূচীত মুখ্য অতিথি হিচাপে উপস্থিত থাকে 20 বিএন চিআৰপিএফৰ কামাণ্ডেণ্ট স্বৰ্ণ সিং৷ আনহাতে উদ্ধোধনী উপলক্ষে আয়োজিত তিনিখন সভাৰ সভাপতিত্ব কৰে 20 বিএন চিআৰপিএফৰ দ্বিতীয় কামাণ্ডেণ্ট তিলক ৰাজে ৷
উদ্ধোধনী সভাত স্থানীয় ৰাইজৰ লগতে স্থানীয় গাওঁবুঢ়া আৰু 20 বিএন চিআৰপিএফৰ জোৱান সকল উপস্থিত থাকে ৷ উদ্ধোধনী অনুষ্ঠানত ভাষণ প্ৰসংগত খ্ৰীষ্টফাৰ প্ৰিঞ্চ ফাৰ্ণাণ্ডেজ আৰু কামাণ্ডেণ্ট স্বৰ্ণসিঙে উপস্থিত ৰাইজক উদ্দেশ্যি গুৰৱত্বপূৰ্ণ ভাষণ প্ৰদান কৰে ৷
২০ বিএন চিআৰপিএফৰ কামাণ্ডেণ্ট স্বৰ্ণ সিঙে কয়যে, চিআৰপিএফে সদায় ৰাইজৰ বুনিয়াদী অভাৱ- অভিযোগৰ প্ৰতি সন্মান জনাই আহিছে ৷ জিলাখনৰ বিভিন্ন স্থানত চিভিক একছন কাৰ্যসূচীৰ অধীনত জিৰণি চৰা, বজাৰ অপেক্ষা চ’ৰা, টিউবৱেল, ছ’লাৰ লাইট, খোৱাপানীৰ ব্যৱস্থাৰ বাবে পানী টেংকি, স্বাস্থ্য শিৱিৰ আদিৰ ব্যৱস্থা কৰি আহিছে ৷ উক্ত কাৰ্যসূচীৰ লগত সংগতি ৰাখি স্থানীয় কিশোৰ আৰু কিশোৰী সকলৰ দ্বাৰা পৰিৱেশিত নৃত্য, গীতে সকলোকে আপ্লুত কৰে ৷ ২০ বিএন চিআৰপিএফৰ এনে জনকল্যাণমূলক কামৰ বাবে খটখটী বাসী ৰাইজে উচ্চ প্ৰশংসা কৰিছে৷
