মঙলবাৰে পুৱা ৯ বজাত ঘোষিত হোৱা অসম উচ্চতৰ মাধ্যমিক শিক্ষান্ত পৰীক্ষা ২০২৩ (12 th Class rersult)-ত (AHSEC-2023) পাহাৰীয়া জিলা কাৰবি আংলঙে বাণিজ্য শাখাত আশা ব্যঞ্জক ফলাফল লাভ (Promising results in commerce stream) কৰিবলৈ সক্ষম হৈছে ৷ প্ৰাপ্ত তথ্য অনুসৰি কাৰবি আংলং জিলাত কলা শাখাত ৭৮১২ গৰাকী পৰীক্ষাৰ্থী অৱতীৰ্ণ হৈ মুঠ ২৯৬৩ গৰাকী উত্তীৰ্ণ হৈছে ৷ কলা শাখাত উত্তীৰ্ণৰ শতকৰা হাৰ হৈছে ৫১’৯৩ শতাংশ ৷
ইয়াৰে প্ৰথম বিভাগত ২৮৩, দ্বিতীয় বিভাগত ৮১১ আৰু তৃতীয় বিভাগত ২৯৬৩ গৰাকী পৰীক্ষাৰ্থী উত্তীৰ্ণ হৈছে ৷বাণিজ্য শাখাত ৬৫৩ গৰাকী পৰীক্ষাৰ্থী অৱতীৰ্ণ হৈ ৫৩০ গৰাকী উত্তীৰ্ণ হৈছে৷ উত্তীৰ্ণ শতকৰা হাৰ হৈছে ৮১’১৬ শতাংশ ৷ ইয়াৰে প্ৰথম বিভাগত ১৪৫, দ্বিতীয় বিভাগত ২৩৭ আৰু তৃতীয় বিভাগত ১৪৮ গৰাকী পৰীক্ষাৰ্থী উত্তীৰ্ণ হৈছে ৷ বিজ্ঞান শাখাত ৭১৮ গৰাকী প্ৰাৰ্থী অৱতীৰ্ণ হৈ ৫৩০ গৰাকী উত্তীৰ্ণ হৈছে ৷ উত্তীৰ্ণৰ শতকৰা হাৰ হৈছে ৭৩’৮২ শতাংশ ৷
আনহাতে পশ্চিম কাৰবি আংলঙত কলা শাখাত ৩৩৬৭ গৰাকী পৰীক্ষাৰ্থী অৱতীৰ্ণ হৈ ১৯৪০ গৰাকী উত্তীৰ্ণ হৈছে ৷ ইয়াৰে প্ৰথম বিভাগত ২৪৩৮, দ্বিতীয় বিভাগত ২১০ আৰু তৃতীয় বিভাগত ৭৩৮ গৰাকী পৰীক্ষাৰ্থী উত্তীৰ্ণ হৈছে ৷ বাণিজ্য শাখাত ৭১ গৰাকী পৰীক্ষাৰ্থী পৰীক্ষাত অৱতীৰ্ণ হৈ ৬৯ গৰাকী উত্তীৰ্ণ হৈছে ৷ইয়াৰে ২০ গৰাকী প্ৰথম বিভাগত, ৩০ গৰাকী দ্বিতীয় বিভাগত আৰু ১৯ গৰাকী তৃতীয় গৰাকী পৰীক্ষাৰ্থী উত্তীৰ্ণ হৈছে ৷ উল্লেখযোগ্যযে, পশ্চিম কাৰবি আংলং জিলাত উচ্চতৰ মাধ্যমিকৰ বিজ্ঞান শাখা উপলব্ধ নাই৷
