Manipur violence I মণিপুৰ সন্দৰ্ভত আলোচনা কৰিবলৈ ৰাজধানীত সৰ্বদলীয় বৈঠকৰ আহ্বান গৃহমন্ত্ৰীৰ

মণিপুৰৰ (Manipur Violence) পৰিস্থিতি এতিয়াও নিয়ন্ত্ৰণলৈ অহা নাই। যোৱা ৩ মেʼৰ পৰা জনজাতি ছাত্ৰ সংগঠন ‘অল ট্ৰাইবেল ষ্টুডেন্টছ ইউনিয়ন অব মণিপুৰ (All Trible Students Union of Manipur) ’ৰ কাৰ্যসূচীক কেন্দ্ৰ কৰি উত্তৰ-পূবৰ ৰাজ্যখনত অশান্তি আৰম্ভ হয়। তাৰ পিছত কেন্দ্ৰীয় গৃহমন্ত্ৰী অমিত শ্বাহে (Amit Shah) মেʼ মাহত মণিপুৰ ভ্ৰমণ কৰে।

তেওঁৰ উদ্দেশ্য আছিল মণিপুৰৰ হিন্দু মেইটেই সম্প্ৰদায় (Meitei)  আৰু কুকিকে ধৰি অন্যান্য অনুসূচিত জাতি-জনগোষ্ঠীৰ মাজত সংঘাত বন্ধ কৰা। কেন্দ্ৰীয় গৃহমন্ত্ৰী অমিত শ্বাহে মণিপুৰ ভ্ৰমণৰ সময়ত চিবিআইৰ তদন্তৰ কথাও ঘোষণা কৰে। কিন্তু শ্বাহৰ ভ্ৰমণৰ পিছতো পৰিস্থিতিৰ কোনো পৰিবৰ্তন হোৱা নাছিল। এতিয়াও ৪০ হাজাৰৰো অধিক লোক গৃহহীন। সাম্প্ৰদায়িক হিংসাৰ ফলত ১১৫ জন লোকৰ মৃত্যু হয়। গতিকে মণিপুৰৰ পৰিস্থিতিৰ বিষয়ে আলোচনা কৰিবলৈ অমিত শ্বাহে এখন বৈঠক আহ্বান কৰিছে।

বুধবাৰে গৃহ মন্ত্ৰালয়ে টুইটযোগে কয় যে অহা ২৪ জুনত অৰ্থাৎ শনিবাৰে বিয়লি ৩ বজাত নতুন দিল্লীত সৰ্বদলীয় বৈঠক অনুষ্ঠিত হʼব। বিগত দুসপ্তাহ ধৰি ম্যানমাৰ সীমান্তৰ সিপাৰৰ পৰা উগ্ৰপন্থীয়ে আক্ৰমণ চলোৱাৰ অভিযোগ উত্থাপন কৰি আহিছে মেইটেই সম্প্ৰদায়ে।

আনহাতে, যদিও জনসংগঠনৰ মঞ্চ ‘খিলঞ্জীয়া জনজাতি নেতা মঞ্চʼত কাংপকপি আৰু ইম্ফল পশ্চিম জিলাৰ সীমান্তৰ খোকেন গাঁৱত এগৰাকী মহিলাসহ তিনিজন লোকক হত্যা কৰাৰ অভিযোগ উত্থাপন কৰা হৈছে, আক্ৰমণকাৰী মেইটেই সম্প্ৰদায়ৰ।

মণিপুৰত সংঘটিত সাম্প্ৰদায়িক হিংসাৰ আঁৰত থকা ষড়যন্ত্ৰকাৰীসকলক বিচাৰি উলিয়াবলৈ চিবিআয়ে শুকুৰবাৰে এটা বিশেষ তদন্ত দল (এছআইটি) গঠন কৰে। ১০ জনীয়া দলটোৰ নেতৃত্বত আছে ডিআইজি পৰ্যায়ৰ এজন বিষয়া। শুকুৰবাৰে চিবিআয়ে ছখন এফআইআৰৰ ভিত্তিত তদন্ত আৰম্ভ কৰে।