হিংসাবিধ্বস্ত মণিপুৰৰ আইন-শৃঙ্খলা ৰক্ষাত মুখ্যমন্ত্ৰীৰ ওপৰত কেন্দ্ৰই আস্থা ৰখাৰ ইঙ্গিত দিছিল। কিন্তু বিৰোধী দলবোৰে মণিপুৰৰ মুখ্যমন্ত্রী এন বীৰেন সিঙৰ (N Biren Singh) ইস্তফা দাবী কৰি আহিছে বিগত কেইবা দিন ধৰি।
এই পৰিস্থিতিতো পদত্যাগৰ কথা নাকচ কৰিছিল স্বয়ং মুখ্যমন্ত্রীয়েই। কিন্তু শুকুৰবাৰে দুপৰীয়া মণিপুৰৰ ৰাজ্যপাল অনুসুয়া উইকীক (Anusuiya Uikey) সাক্ষাৎ কৰাৰ কথা বীৰেন সিঙে। তাকে লৈ ৰাজ্যখনৰ ৰাজনীতিত চৰ্চা চলিছে যে সেই সময়তে নিজৰ ইস্তফাপত্র জমা দিব পাৰে মণিপুৰৰ মুখ্যমন্ত্রীয়ে।
আনহাতে, পদত্যাগৰ সম্ভাৱনাক অধিক মাত্ৰা দিছে মণিপুৰৰ মুখ্যমন্ত্রীৰ সচিবালয় আৰু ৰাজভবনৰ সন্মুখত বহু সংখ্যক বীৰেন সিং সমৰ্থকৰ বিক্ষোভ প্ৰদৰ্শনৰ কাৰ্যই। তেওঁলোকে পদত্যাগ নকৰিবলৈও আহ্বান জনাইছে বীৰেন সিঙক। অৱশ্যে এই বিষয়ত এই পর্যন্ত একো উল্লেখ কৰা নাই মুখ্যমন্ত্রীয়ে। তেওঁৰ ঘনিষ্ঠ মহলৰ পৰাও এই বিষয়ত স্পষ্টভাবে একো জনোৱা হোৱা নাই।
