মঙলবাৰে বেংগালুৰুৰ (Bengaluru) তাজ ৱেষ্টৱিণ্ডত অনুষ্ঠিত হৈছে বিৰোধী মিত্ৰজোঁটৰ বৈঠক (Meeting of opposition alliance)।এই বৈঠকে ৰাজনৈতিক মহলৰ দৃষ্টি আকৰ্ষণ কৰিছে। যদিও বিৰোধী মিত্ৰজোঁটৰ প্ৰধান লক্ষ্য বিজেপিক ৰোধ কৰা, কিন্তু তেওঁলোকৰ কৌশল কি, বিৰোধী মিত্ৰজোঁটৰ প্ৰধানমন্ত্ৰীৰ মুখ কোন হʼব, মিত্ৰজোঁটৰ নাম কি হʼব সেই লৈ প্ৰশ্ন উত্থাপন হৈছে।
সূত্ৰ অনুসৰি, বৈঠকৰ দ্বিতীয় দিনত কংগ্ৰেছে প্ৰধানমন্ত্ৰীৰ পদৰ প্ৰতি আগ্ৰহী নহয় (Congress is not interested in P.M’s post) বুলি কয়।কংগ্ৰেছৰ সভাপতি মল্লিকাৰ্জুন খাৰ্গে (Mallikarjun Kharge)য়ে কয় যে তেওঁৰ দলে ক্ষমতা বা প্ৰধানমন্ত্ৰীৰ পদৰ প্ৰতি আগ্ৰহী নহয়। বৰঞ্চ বিৰোধী দলসমূহৰ প্ৰধান লক্ষ্য হৈছে সংবিধান, গণতন্ত্ৰ আৰু সামাজিক ন্যায় ৰক্ষা কৰা। সূত্ৰ অনুসৰি, আজিৰ বৈঠকত কংগ্ৰেছৰ সভাপতিগৰাকীয়ে কেন্দ্ৰীয় সংস্থাসমূহৰ অপব্যৱহাৰৰ অভিযোগ উত্থাপন কৰে।
মিত্ৰতাৰ নাম কি হʼব সেয়া এই মুহূৰ্তত এটা ডাঙৰ প্ৰশ্ন। দ্বিতীয়খন বৈঠকৰ পৰাই এই নাম উদয় হʼব বুলি ৰাজনৈতিক মহলে বিশ্বাস কৰে। সূত্ৰ অনুসৰি, বিৰোধী দলসমূহক মিত্ৰজোঁটৰ বাবে এটা নাম প্ৰস্তাৱ কৰিবলৈ কোৱা হৈছে, যʼত ‘ভাৰত’ শব্দটো অন্তৰ্ভুক্ত থাকিব। টেগ লাইন হʼব; “ইউনাইটেড উই ষ্টেণ্ড।”
