এইবাৰ মণিপুৰ কাণ্ডৰ প্ৰভাৱ (Impact of Manipur Violance) পৰিল চুবুৰীয়া ৰাজ্য মিজোৰামতো। প্ৰায় তিনিমাহ হʼল মণিপুৰত কুকি আৰু মেইটেই সম্প্ৰদায়ৰ মাজত চলি থকা সাম্প্ৰদায়িক সংঘাত। এইবাৰ ‘পামৰা’ নামৰ এটা সংগঠনে মিজোৰামত বাস কৰা মেইটেইসকলক ৰাজ্য এৰাৰ আহ্বান (Meiteis living in Mizoram have been asked to leave the state) জনাইছে। অৱশ্যে সংগঠনটোৱে প্ৰকাশ কৰা বিবৃতিত ৰাজ্যখন এৰি যাবলৈ মেইটেইসকলক অনুৰোধ কৰা হৈছে। একে সময়তে জনোৱা হৈছে যে মেইটেইসকলৰ ওপৰত আৰু যিকোনো অত্যাচাৰৰ বাবে তেওঁলোকেই দায়ী হʼব। এই বক্তব্যৰ পিছতেই মিজোৰাম চৰকাৰে মেইটেইসকলৰ নিৰাপত্তা বৃদ্ধি কৰাৰ সিদ্ধান্ত লয়।
শুকুৰবাৰে সংগঠনটোৱে প্ৰকাশ কৰা এক বিবৃতিত মণিপুৰত মহিলাৰ ওপৰত হোৱা নিৰ্যাতনৰ ঘটনা পোহৰলৈ অহাৰ পিছতে ক্ষুব্ধ হৈ পৰিছে মিজো যুৱক (Mizo youth angry after female harassment incident in Manipur)। গতিকে তেওঁলোকক নিজৰ নিৰাপত্তাৰ বাবে মেইটেইসকলক ৰাজ্য এৰি যাবলৈ কোৱা হৈছে। ইয়াৰ পিছত যদি কিবা অপ্ৰীতিকৰ ঘটনা সংঘটিত হয় তেন্তে মেইটেইসকল দায়ী হʼব বুলি বিবৃতিটোত কোৱা হৈছে।
মিজোৰাম প্ৰশাসনৰ এক সূত্ৰৰ মতে, এই বিবৃতি পোহৰলৈ অহাৰ পিছতে প্ৰশাসনে ক্ষিপ্ৰ ব্যৱস্থা গ্ৰহণ কৰে। মেইটেইসকলৰ নিৰাপত্তা বৃদ্ধি কৰা হৈছে। কিছুদিন পূৰ্বে মণিপুৰৰ মুখ্যমন্ত্ৰী এন বীৰেন সিঙৰ সৈতে টেলিফোনিক বাৰ্তালাপত মিজোৰামৰ মুখ্যমন্ত্ৰী জোৰামথাংগাই ৰাজ্যখনত বসবাস কৰা মেইটেই লোকসকলৰ সুৰক্ষা সুনিশ্চিত কৰাৰ আশ্বাস দিছিল। উল্লেখ্য, প্ৰধানকৈ অসম আৰু মণিপুৰত বসবাস কৰা মেইটেই জনগোষ্ঠীৰ এটা অংশ মিজোৰামতো বাস কৰে।
উল্লেখযোগ্য যে বুধবাৰে ছচিয়েল মিডিয়াত বিয়পি পৰা মণিপুৰ কাণ্ডৰ ভিডিঅʼটোৱে সমগ্ৰ দেশতে তীব্ৰ প্ৰতিক্ৰিয়াৰ সৃষ্টি কৰিছে। মণিপুৰৰ এই ঘটনাই সমগ্ৰ দেশতে প্ৰতিক্ৰিয়াৰ সৃষ্টি কৰিছে।
