ডিফু চহৰৰ আশে -পাশে নিচাযুক্ত ড্ৰাগছ প্ৰতি আচৰিত ধৰণে আকৰ্ষিত হোৱা পৰিলক্ষিত হৈছে ৷ ডিফু চহৰৰ পাণবাৰী, ছৰছৰি বিৰলা ,হৰিলাল বস্তি, ৰংনিহান পথাৰ আদিত ড্ৰাগছ আসক্ত যুৱক প্ৰায়ে চলাচল পৰিলক্ষিত হৈ আহিছে ৷ আজি বিয়লি ৰংনিহান পথাৰত এজন যুৱকক এজন যুৱকক নিচাযুক্ত হেৰ’ইন সহ (Drugs Seized)এজন যুৱকক আটক কৰাৰ পিছত এলেকাটোত তীব্ৰ চাঞ্চল্যৰ সৃষ্টি হৈছে ৷
আজি বিয়লি ৪-৩০ মান বজাত এক গোপন খবৰৰ ভিত্তিত ডিফু নগৰ আৰক্ষী চকীৰ ভাৰপ্ৰাপ্ত বিষয়া জুনটি মজুমদাৰ নেতৃত্বত থানা ষ্টাফৰ লগতে ৰংনিহান গাওঁৰক্ষী বাহিনীৰ সদস্য আৰু স্থানীয় ৰাইজৰ সহযোগত সন্দেহজনক ভাবে ঘূৰি ফুৰা অৱস্থাত ধৰমনলাৰ মৃত কালাম আলীৰ পুত্ৰ হুছেইন আলী (২৩)ক আটক এটা চাধা টেমা আৰু এটা সৰু কণ্টেইনাৰত ভৰ্তি সন্দেহযুক্ত হেৰইন সহ আটক কৰিবলৈ সক্ষম হয় ৷
সন্দেহযুক্ত হেৰ’ইনখিনি কাৰ পৰা লৈছে সোই কথা আৰক্ষীৰ তদন্ততহে ওলাই পৰিব বুলি জানিবলৈ দিয়ে ৷ আনহাতে ৰংনিহান বস্তি এলেকাত ড্ৰাগছ সৰবৰাহকাৰী সকলৰ বিৰুদ্ধে কি ব্যৱস্থা গ্ৰহণ কৰিব সেয়া লক্ষণীয় হৈ পৰিছে ৷
