চন্দ্ৰযান-৩ৰ লেণ্ডাৰ বিক্ৰম (Chandrayaan-3’s lander Vikram) আৰু ৰ’ভাৰ প্ৰজ্ঞানে (Rover Pragyan) চন্দ্ৰপৃষ্ঠত পৰীক্ষা-নিৰীক্ষা (Experiments on the lunar surface) চলাই থকাৰ সময়তে চন্দ্ৰৰ মাটি কঁপি উঠে। এই কথা বৃহস্পতিবাৰে কয় ইছৰোৰ বিজ্ঞানীসকলে। ভাৰতীয় মহাকাশ গৱেষণা প্ৰতিষ্ঠানে প্ৰকাশ কৰা অনুসৰি, যোৱা ২৬ আগষ্টত বিক্ৰম লেণ্ডাৰে চন্দ্ৰত ‘প্ৰাকৃতিক’ ভূমিকম্প ধৰা পেলাইছিল।
ইছৰোৱে জনোৱা মতে, লেণ্ডাৰখনৰ ভূমিকম্প ধৰা পেলোৱা পেলোড আই এল এছ এৰ (ইণ্টুমেণ্টছ ফৰ লুনাৰ ছিছমিক এক্টিভিটি) দ্বাৰা এই কম্পন ধৰা পৰিছে। ইয়াৰ পূৰ্বে ইলছাই ৰ’ভাৰ প্ৰজ্ঞান আৰু অন্যান্য পেলোডৰ ফলত হোৱা কম্পন ধৰা পেলাইছিল। কিন্তু ২৬ আগষ্টৰ ভূমিকম্পৰ কাৰণ কি আছিল তদন্ত চলি আছে। পেলোড আই এল এছ এৰ প্ৰধান উদ্দেশ্য হৈছে লেণ্ডাৰ বিক্ৰমৰ অৱতৰণ স্থানৰ চাৰিওফালে মাটিৰ কম্পন আৰু ইয়াৰ প্ৰভাৱৰ বিষয়ে তথ্য সংগ্ৰহ কৰা।
বৃহস্পতিবাৰে ‘এক্স’ (টুইটাৰ) হেণ্ডেলত এটা পোষ্টত ইছৰোই লিখিছে, “তৃতীয় চন্দ্ৰযান লেণ্ডাৰ পেলোডে ইলছা, ৰ’ভাৰ আৰু অন্যান্য পেলোডৰ গতিবিধিৰ ফলত হোৱা কম্পন ধৰা পেলায়।” একে সময়তে ২৬ আগষ্টত ইলছাই আন এক কম্পন ধৰা পেলায়। যিটো স্বাভাৱিক বুলি গণ্য কৰা হয়।’ ইছৰোৱে কয় যে এই কম্পনৰ উৎসৰ তদন্ত চলি আছে।
