শিক্ষক (Teacher’s) হোৱাটো এক মহৎ বৃত্তি, যি আন যিকোনো বৃত্তিৰ দৰে সমান পৰিমাণৰ মৰম আৰু সন্মানৰ যোগ্য। ইয়াত কোনো সন্দেহ নাই। এক কথাত ক’বলৈ গ’লে শিক্ষকতাৰ দৰে মহান বৃত্তি আন একোৱেই নাই। এগৰাকী শিক্ষকে যেনেদৰে এখন সমাজ বা দেশৰ ভবিষ্যত গঢ় দিয়ে, ঠিক তেনেদৰে শিক্ষকৰ ভূমিকাৰ ওপৰতো দেশৰ ভবিষ্যত প্ৰজন্ম বহুখিনি নিৰ্ভৰ কৰে। সেয়ে চাবলৈ গ’লে শিক্ষকৰ কান্ধৰ ওপৰতেই দেশৰ খনিকৰসকলৰ নিৰ্মাণৰ ভাৰ।
এটা কথা ঠিক যে কোনো এজন ব্যক্তি শিক্ষক হওঁ বুলিয়ে হ’ব নোৱাৰে। হয়তো কোনোৱে শিক্ষকৰ চাকৰি কৰিব পাৰে, কিন্তু শিক্ষাগুৰুৰ মান্যতা পাব নোৱাৰে। শিক্ষাগুৰু হ’ব পৰাটো এক জন্মগত লক্ষণ। এগৰাকী সফল শিক্ষক হ’বলৈ হ’লে তেওঁ সৰ্বগুণ সম্পন্ন হ’ব লাগিব। ত্যাগ, একাগ্ৰতা, ধ্যান, অধ্যয়ন, সময়ানুৱৰ্তী, সততা, নিয়মানুৱৰ্তীতা আদি হৈছে এগৰাকী শিক্ষকৰ থাকিবলগা মুখ্য গুণ। আজি শিক্ষক দিৱসৰ এই পবিত্ৰ মুহূৰ্তত ৰাজ্য তথা দেশৰ শিক্ষক সমাজলৈ আন্তৰিক শুভেচ্ছা জনালোঁ।
ড০ সৰ্বপল্লী ৰাধাকৃষ্ণণৰ জন্ম জয়ন্তী উপলক্ষে প্ৰতি বছৰে ৫ ছেপ্টেম্বৰত দেশত শিক্ষক দিৱস পালন কৰা হয়। তেওঁ আছিল ভাৰতৰ এজন প্ৰাক্তন ৰাষ্ট্ৰপতি, পণ্ডিত, দাৰ্শনিক আৰু ভাৰত ৰত্ন প্ৰাপক। আন আন বছৰৰ দৰে এই বছৰো শিক্ষক দিৱস উপলক্ষে সমগ্ৰ দেশৰ ছাত্র-ছাত্রীসকলে শিক্ষক-শিক্ষয়িত্রীসকলক শ্ৰদ্ধা আৰু ভক্তি জ্ঞাপন কৰে। উল্লেখযোগ্য যে কিছুমান বিদ্যালয়ত ৫ ছেপ্টেম্বৰত শিক্ষক দিৱস উদযাপনৰ বাবে বিশেষ কাৰ্যসূচীৰো আয়োজন কৰা হয়। ই হৈছে আমাৰ দেশৰ উজ্জ্বল মনক পথ প্ৰদৰ্শন আৰু শিক্ষা প্ৰদান কৰি জাতি গঠনত শিক্ষকসকলে লোৱা ভূমিকাৰ প্ৰতি এক স্মাৰক।
ড° সৰ্বপল্লী ৰাধাকৃষ্ণনৰ জন্ম বাৰ্ষিকী উপলক্ষে ভাৰতত প্ৰতি বছৰে ৫ ছেপ্টেম্বৰত শিক্ষক দিৱস পালন কৰা হয়। ড° সৰ্বপল্লী ৰাধাকৃষ্ণন সমসাময়িক ভাৰতৰ অন্যতম প্ৰখ্যাত পণ্ডিত আছিল। তাত্ত্বিক, ধৰ্মতত্ত্ব, নৈতিক, শিক্ষামূলক, সাম্প্ৰদায়িক, জ্ঞানদায়ক বিষয়ৰ পৰা আৰম্ভ কৰি বিভিন্ন বিষয়ত তেওঁ উল্লেখযোগ্য অৱদান আগবঢ়াইছে। বহু স্বীকৃতিপ্ৰাপ্ত আলোচনীত তেওঁ কেইবাটাও প্ৰবন্ধ লিখিছিল, যিবোৰৰ গুৰুত্ব অতিশয় বেছি।
১৯৬২ চনৰ ৫ ছেপ্টেম্বৰত ভাৰতৰ প্ৰথম শিক্ষক দিৱস পালন কৰা হৈছিল, যিটো তেওঁৰ ৭৭ সংখ্যক জন্মদিন আছিল। ড° সৰ্বেপল্লী ৰাধাকৃষ্ণন আছিল দেশৰ ভাৰত ৰত্ন লাভ কৰা প্ৰথম উপ-ৰাষ্ট্ৰপতি আৰু স্বাধীন ভাৰতৰ দ্বিতীয় ৰাষ্ট্ৰপতি। তেওঁৰ জন্ম ১৮৮৮ চনৰ ৫ ছেপ্টেম্বৰত। তেওঁ আছিল এজন বিশিষ্ট দূত, শিক্ষাবিদ আৰু সৰ্বোপৰি এজন মহান শিক্ষক।
১৯৬২ চনত ড° ৰাধাকৃষ্ণন ভাৰতৰ ৰাষ্ট্ৰপতি হয়। সেই সময়ত তেওঁৰ বন্ধু-বান্ধৱী আৰু ছাত্ৰ-ছাত্ৰী কেইজনমানে ৫ ছেপ্টেম্বৰত তেওঁৰ জন্মদিন পালন কৰিবলৈ অনুমতি দিবলৈ অনুৰোধ জনায়। ড০ ৰাধাকৃষ্ণনে প্ৰতিক্ৰিয়া ব্যক্ত কৰি কয়, “মোৰ জন্মদিন পৃথকভাৱে পালন কৰাৰ পৰিৱৰ্তে যদি ৫ ছেপ্টেম্বৰক শিক্ষক দিৱস হিচাপে পালন কৰা হয় তেন্তে ই মোৰ বাবে আড়ম্বৰপূৰ্ণ বিশেষ দিন হ’ব।” ভাৰতৰ ৰাষ্ট্ৰপতিৰ পৰা অহা এনে অনুৰোধে ড° সৰ্বপল্লী ৰাধাকৃষ্ণনৰ শিক্ষকৰ প্ৰতি থকা মৰম আৰু নিষ্ঠা স্পষ্টভাৱে প্ৰকাশ কৰিছিল। তেতিয়াৰে পৰা ভাৰতত ৫ ছেপ্টেম্বৰত শিক্ষক দিৱস পালন কৰা হয়।
এখন দেশৰ ভৱিষ্যত ছাত্ৰ-ছাত্ৰীৰ হাতত নিহিত হৈ থাকে আৰু শিক্ষকসকলে গুৰু হিচাপে ছাত্ৰ-ছাত্ৰীক ভাৰতৰ ভাগ্য গঢ় দিয়া ভৱিষ্যতৰ নেতা হিচাপে গঢ়ি তুলিব পাৰে। আমাৰ কেৰিয়াৰ আৰু ব্যৱসায়ত সফল হোৱাত তেওঁলোকে আমাৰ জীৱনত গুৰুত্বপূৰ্ণ ভূমিকা পালন কৰে। তেওঁলোকে আমাক ভাল মানুহ, সমাজৰ এজন উন্নত সদস্য আৰু দেশৰ আদৰ্শ নাগৰিক হোৱাত সহায় কৰে।
আমাৰ জীৱনত শিক্ষকসকলে লোৱা প্ৰত্যাহ্বান, কষ্ট, আৰু বিশেষ ভূমিকাক স্বীকাৰ কৰিবলৈয়ে শিক্ষক দিৱস উদযাপন কৰা হয়।‘দেশৰ প্ৰধানমন্ত্ৰীৰ ভাষাত, “শিক্ষকসকলৰ সংকল্প আৰু আন্তৰিকতাই ৰাষ্ট্ৰৰ ভাগ্য গঢ়ি তুলিব। কিয়নো তেওঁলোকে সমাজৰ ভেটি আৰু নিৰ্মাণ খণ্ড স্থাপন কৰি আছে।”
