স্বামীৰ বিৰুদ্ধে থানাত এজাহাৰ দাখিল কৰিবলৈ যোৱা এগৰাকী মহিলাক থানাখনৰ উপ-পৰিদৰ্শক আৰু তেওঁৰ সহযোগীসকলে নিৰ্যাতন চলায়। অভিযোগ অনুসৰি, তিনিদিন ধৰি এটা কোঠাত আবদ্ধ কৰি তেওঁক দলবদ্ধ ধৰ্ষণ (Gang rape) কৰে। কেৱল সেয়াই নহয়, মহিলাগৰাকীক বিক্ৰীও কৰি দিয়া হয়। এই ভয়ংকৰ ঘটনা সংঘটিত হৈছে হাৰিয়ানাৰ পালবালত (Palbal in Haryana)।
আৰক্ষী সূত্ৰৰ পৰা জানিব পৰা মতে, পালবালৰ বাসিন্দা মহিলাগৰাকীয়ে স্বামীৰ বিৰুদ্ধে এজাহাৰ দাখিল কৰিবলৈ হাছানপুৰ থানালৈ গৈছিল। তেতিয়া থানাত উপস্থিত আছিল এছআই শিৱচৰণ। ভুক্তভোগীয়ে দাবী কৰে যে এছআয়ে তেওঁৰ অভিযোগ লʼবলৈ অস্বীকাৰ কৰে।
তেওঁৰ সংগী বল্লীৰ সৈতে থানাৰ কাষৰ এখন পথাৰলৈ যাবলৈ বাধ্য কৰায়। ইতিমধ্যে তাত নিৰঞ্জন আৰু ভীম নামৰ দুজন ব্যক্তি উপস্থিত আছিল। সেই তিনিজন মানুহে তেওঁক পথাৰত নিৰ্যাতন চলায়। অভিযোগ অনুসৰি, ঘটনাৰ ভিডিঅʼ লৈ ছচিয়েল মিডিয়াত প্ৰচাৰ কৰা হʼব বুলি ভাবুকি দিয়ে।
ভুক্তভোগী মহিলাগৰাকীয়ে আৰু অভিযোগ কৰে যে ইয়াৰ পিছত তিনিওজনে তেওঁক নি শান্তি নামৰ এগৰাকী মহিলাৰ ঘৰত ৰাখে। তাতে তিনিদিন ধৰি বল্লী, নিৰঞ্জন আৰু ভীমাই তেওঁক নিৰ্যাতন চলায়। তিনিদিন বন্দী হৈ থকাৰ পিছত তেওঁক বিজেন্দ্ৰ নামৰ এজন ব্যক্তিৰ হাতত বিক্ৰী কৰি দিয়া হয়। এছআই শিৱচৰণৰ উপস্থিতিত গজেন্দ্ৰ আৰু তেওঁৰ এজন আত্মীয়ই দলবদ্ধ ধৰ্ষণ কৰে।
বিষয়টো পোহৰলৈ অহাৰ লগে লগে আৰক্ষীয়ে মহিলাগৰাকীক উদ্ধাৰৰ বাবে তৎপৰ হয়। তেওঁক উদ্ধাৰ কৰা হয়। এছআই শিৱচৰণকে ধৰি ৭জন ব্যক্তিৰ বিৰুদ্ধে দলবদ্ধ ধৰ্ষণকে ধৰি একাধিক ধাৰাত গোচৰ ৰুজু কৰা হৈছে। আৰক্ষীয়ে জানিবলৈ দিয়া মতে, অভিযুক্তক গ্ৰেপ্তাৰ কৰাৰ প্ৰক্ৰিয়া অব্যাহত আছে।
