পুত্ৰ হাণ্টাৰ বাইডেনৰ ব্যৱসায়িক উদ্যোগৰ পৰা লাভৱান হোৱাৰ লগতে ব্যৱসায় সন্দৰ্ভত বহু মিছা কৈছে। আমেৰিকাৰ ৰাষ্ট্ৰপতি জো বাইডেনৰ (US President Joe Biden) বিৰুদ্ধে এই অভিযোগ ৰিপাব্লিকানসকলৰ (Republican’s allegation against)। যাৰ বাবে হাউছ অৱ ৰিপ্ৰেজেণ্টেটিভছৰ ৰিপাব্লিকান সদস্যৰ এখন কমিটীয়ে বাইডেনৰ বিৰুদ্ধে উত্থাপিত মহাভিযোগৰ তদন্ত আৰম্ভ কৰিছে।
হাউছ অভাৰচাইট কমিটীয়ে অভিযোগ কৰিছে যে হাণ্টাৰৰ বিদেশী বিনিয়োগৰ ফলত কেৱল ৰাষ্ট্ৰপতিয়েই নহয়, তেওঁৰ সমগ্ৰ পৰিয়ালেই লাভৱান হৈছে।তদাৰকী সমিতিৰ অধ্যক্ষ জেমছ কমাৰে কয়, “আমেৰিকাৰ জনসাধাৰণে এই দুৰ্নীতিৰ ব্যাখ্যা বিচাৰে।” যদিও ৰিপাব্লিকান দলে ৰাষ্ট্ৰপতি বাইডেনৰ বিৰুদ্ধে মহাভিযোগ উত্থাপন কৰিছে, তথাপিও তেওঁৰ পক্ষত কোনো প্ৰমাণ দাখিল কৰিব পৰা নাই।
ৰিপাব্লিকানসকলে এয়াও অভিযোগ কৰে যে ২০০৯ চনৰ পৰা ২০১৭ চনলৈকে বাৰাক ওবামাৰ কাৰ্যকালত ডেমোক্ৰেট দলৰ নীতিৰ পৰা বাইডেন পৰিয়ালে লাভৱান হৈছিল। ৰিপাব্লিকানসকলৰ এই পেনেলত হাউছ অৱ ৰিপ্ৰেজেণ্টেটিভৰ ডেমোক্ৰেটিক সদস্যসকলো অন্তৰ্ভুক্ত আছে।
কিন্তু ৰিপাব্লিকান সদস্যসকলে বাইডেনৰ বিৰুদ্ধে অভিযোগনামা দাখিল প্ৰক্ৰিয়া আৰম্ভ কৰিবলৈ ভোট দিবলৈ সক্ষম হৈছেনে নাই সেয়া স্পষ্ট হোৱা নাই। তদাৰকী সমিতিয়ে অনুমোদন দিলেও বিশেষজ্ঞসকলৰ মতে এই প্ৰস্তাৱ আমেৰিকাৰ চিনেটত ওফৰি যাব।
