“সামাজিক মাধ্যম ব্যৱহাৰ নকৰা লোক বৰ্তমান সময়ত নাই বুলিয়েই ক’ব পাৰি। সময়ৰ লগে লগে ইণ্টাৰনেট মাধ্যমৰ বিভিন্ন প্লেটফৰ্মসমূহ অধিক জনপ্ৰিয় হৈ উঠিছে। আটাইতকৈ গুৰুত্বপূৰ্ণ কথাটো এয়াই যে, সামাজিক মাধ্যমৰ জৰিয়তে নতুন পেচাসমূহৰ সৃষ্টি কৰিছে য’ত কণ্টেণ্ট সৃষ্টিকাৰীসকলে (Content Creator) দেশৰ দূৰণিৱৰ্তী অঞ্চলসমূহত থাকি আৰ্থিকভাৱে স্বাৱলম্বী হ’বলৈ সক্ষম হৈ উঠিছে।আমাৰ আজিৰ এই বিশেষ প্ৰতিবেদন এগৰাকী অনন্য মহিলাৰ এক অভূতপূৰ্ব কাহিনী উল্লেখ কৰা হৈছে।”
যিগৰাকী মহিলা উত্তৰপ্ৰদেশৰ গ্ৰামাঞ্চলৰ পৰা ইউটিউবত ভিডিঅ’ নিৰ্মাণ কৰি সমাজে সমাজে এক নতুন দৃষ্টান্ত স্থাপন কৰিছে। যশোদা লোধি, যিগৰাকীয়ে সোশ্যাল মিডিয়াত “দেহাতি ম্যাডাম” নামেৰে পৰিচিত, তেওঁৰ ইউটিউব চেনেলৰ মাধ্যমেৰে ইংৰাজী ভাষা শিক্ষা দিছে। তেওঁ কেৱল সাফল্যেৰে সীমাবদ্ধ নহয়, বৰ্তমানে তেওঁ আয়ৰ দিশত চৰকাৰী চাকৰিয়ালসকলকো অতিক্ৰম কৰি গৈছে।”
যশোদা, যাৰ জীৱন বহুতৰ দৰেই সাধাৰণ পৰিপ্ৰেক্ষিতত বিকাশ লাভ কৰিছিল, তেওঁ মামাৰ ঘৰত থাকি পোহপাল হৈছিল। হিন্দী মাধ্যম স্কুলৰ পৰা দ্বাদশ শ্রেণীলৈকে শিক্ষা গ্ৰহণ কৰা যশোদাই স্নাতক হোৱাৰ পিছত শিশুসকলক পঢ়াই কৰ্ম জীৱন আৰম্ভ কৰিছিল। সেই সময়তে তেওঁ নিজৰ জীৱন সংগীৰ সৈতে পৰিচিত হয়। কিন্তু তেওঁলোকৰ সম্পর্কৰ বিষয়ে পৰিয়ালে আপত্তি জনাইছিল। ইয়াৰ উপৰিও, সম্পত্তি সংক্ৰান্ত বিৰোধ আৰু পৰিয়াল কন্দলত তেওঁ জৰ্জ্জৰিত হৈছিল। শেষত তেওঁলোকে বিবাহ কৰাৰ স্থিৰ সিদ্ধান্ত লৈ স্বাধীনভাৱে জীৱন যাপন কৰিবলৈ সংকল্প লৈছিল।
“২০২১ চনত ইউটিউব চেনেল মুকলি কৰাৰ প্ৰসংগত উল্লেখযোগ্য যে, যশোদাৰ স্বামীয়ে অষ্টম শ্ৰেণীলৈ শিক্ষা গ্ৰহণ কৰিছিল। তেওঁ পূৰ্বে দৈনিক শ্ৰমিকৰ কাম কৰিছিল। ২০১৯ চনত, তেওঁ এক দুৰ্ঘটনাৰ সন্মুখীন হৈছিল, যাৰ ফলত তেওঁ আৰু কাম কৰিব পৰা নাছিল। এই দুঃসময়তে যশোদাই আৰ্থিক স্থিতিশীলতাৰ প্ৰকৃত মূল্য উপলব্ধি কৰিছিল। পৰিস্থিতিৰ মোকাবিলা কৰি, যশোদাই ২০২১ চনৰ নৱেম্বৰ মাহত তেওঁৰ প্ৰথম স্মাৰ্টফোন ব্যৱহাৰ কৰি ইউটিউব যাত্ৰা আৰম্ভ কৰিছিল। সন্দীপ মহেশ্বৰীৰ দৰে বক্তাসকলৰ প্ৰেৰণাত উৎসাহিত হৈ, তেওঁ প্ৰযুক্তিৰ সহায়ত পৰিয়ালৰ উন্নতিৰ বাবে কাম কৰাৰ সিদ্ধান্ত লৈছিল। এইদৰেই তেওঁ নিজৰ ইউটিউব চেনেল আৰম্ভ কৰিছিল।”
সামাজিক মাধ্যমৰ এক নতুন তাৰকা হিচাপে পৰিচিত যশোদা তেওঁৰ ভিডিঅ’ সমূহৰ জৰিয়তে দ্ৰুত জনপ্ৰিয়তা অর্জন কৰিছে। এই জনপ্ৰিয়তা লাভৰ পাছতে তেওঁৰ আৰ্থিক ভাবে যথেষ্ট উন্নতি লাভ কৰিছিল। এসময় আছিল, যেতিয়া যশোদাই মাত্ৰ ৩০০ টকাতে তেওঁ নিজৰ সাত-আঠজনীয়া পৰিয়াল চলাইছিল। কিন্তু বৰ্তমান তেওঁ প্ৰতি মাহে ৭০,০০০ ৰ পৰা ৮০,০০০ টকা পৰ্যন্ত উপাৰ্জন কৰি আছে, যি বহুতো চৰকাৰী কর্মচাৰীৰ মাহিলী দৰমহাতকৈও অধিক।”
