ভাৰতীয় নাগৰিকত্ব লাভ কৰাৰ পিছত প্ৰথমবাৰৰ বাবে ভোটদান কৰে অভিনেতা অক্ষয় কুমাৰে (Akshay Kumar) । দেশৰ চলিত লোকসভা নিৰ্বাচনৰ পঞ্চম পৰ্যায়ত আজি মুম্বাইৰ ১৩টা সমষ্টিত চলি আছে ভোটগ্ৰহণ প্ৰক্ৰিয়া।
অক্ষয় কুমাৰে পুৱা জুহুৰ এটা বুথত গৈ ভোটদান কৰে। ভোটদানৰ অন্তত অভিনেতাগৰাকীয়ে সংবাদ মাধ্যমৰ আগত কয়, “মই বিচাৰো মোৰ দেশ শক্তিশালী হওক। সেই কথা মনত ৰাখি মই ভোট দিলোঁ।”
উল্লেখযোগ্য যে অভিনেতা অক্ষয় কুমাৰ ২০২৩ চনত স্বাধীন ভাৰতৰ নাগৰিক হয়। ২০১৯ চনত তেওঁ ভাৰতীয় নাগৰিকত্বৰ বাবে আবেদন কৰিছিল। ভাৰতীয় চলচ্চিত্ৰত অভিনয় কৰাৰ পিছতো ১৯৯০ চনত কানাডাৰ নাগৰিকত্বৰ বাবে আৱেদন কৰে। অভিনেতাজনে এতিয়ালৈকে কানাডাৰ নাগৰিক হোৱাৰ বাবে ভোটদান কৰিব পৰা নাছিল।
আজি পুৱা সাত বজাত মুম্বাইত ফাৰহান আখতাৰ, জয়া আখতাৰ, জাহ্নৱী কাপুৰ, ৰাজকুমাৰ ৰাওকে ধৰি একাধিক বলীউডৰ তাৰকাই ভোটদান কৰে।
