আৰ জি কৰ চিকিৎসা মহাবিদ্যালয় (R.G. Kar Medical College)ৰ নিৰাপত্তাৰ দায়িত্ব (Security responsibility) দিয়া হৈছে কেন্দ্ৰীয় বাহিনীক (Central Forces)। মঙলবাৰে উচ্চতম ন্যায়ালয় (Supreme Court)ত আৰ জি কৰ গোচৰৰ শুনানিত মুখ্য ন্যায়াধীশ ডি ৱাই চন্দ্ৰচুড়ে কয়, “আমি আৰ জি কৰ হাস্পতালত কেন্দ্ৰীয় বাহিনী নিয়োগ কৰিছোঁ। আৰ জি কৰত চি আই এছ এফ নিয়োগৰ নিৰ্দেশ দিয়া হৈছে।
” উল্লেখ্য যে বিমানবন্দৰ, কয়লা খনিৰ দৰে গুৰুত্বপূৰ্ণ স্থানত নিৰাপত্তাৰ দায়িত্বত থকা এটা বাহিনী হৈছে চি আই এছ এফ। নিৰ্বাচনৰ সময়তো বাহিনীটো ব্যৱহাৰ কৰা হয়। এতিয়া অনুমান কৰা হৈছে যে উচ্চতম ন্যায়ালয়ে আৰ জি কৰত চি আই এছ এফ নিয়োগ কৰাৰ নিৰ্দেশ দি চিকিৎসালয়খনৰ নিৰাপত্তা অধিক গুৰুত্বপূৰ্ণ পৰ্যায়লৈ উন্নীত কৰিছে।
উল্লেখ্য, এগৰাকী মহিলা চিকিৎসকৰ ধৰ্ষণ আৰু হত্যাৰ ঘটনা পোহৰলৈ অহাৰ পিছৰে পৰা আৰ জি কৰ অস্থিৰ হৈ পৰিছে। চিকিৎসালয় চৌহদত অব্যাহত আছে প্ৰতিবাদ। চিকিৎসালয়খনৰ নিৰাপত্তা ব্যৱস্থাক লৈও প্ৰশ্ন উত্থাপন হৈছে। প্ৰতিবাদকাৰীসকলে ধৰ্ষণ আৰু হত্যাৰ গোচৰত ন্যায় বিচৰাৰ সমান্তৰালকৈ নিৰাপত্তা নিশ্চিত কৰাৰ কথাও কৈছে। কেৱল আৰ জি কৰতেই নহয়, এই আন্দোলন দেশৰ বিভিন্ন প্ৰান্তলৈ বিয়পি পৰিছে। দিল্লীৰ এইমছকে ধৰি বিভিন্ন চিকিৎসালয়ত অব্যাহত আছে ধৰ্মঘট। আন্দোলনকাৰী চিকিৎসকসকলক এইবাৰ কামলৈ ঘূৰি আহিবলৈও অনুৰোধ জনায় মুখ্য ন্যায়াধীশে।
