দীৰ্ঘদিনীয়া অভিনয় জীৱনত ভাৰতীয় চিনেমালৈ অৱদানৰ স্বীকৃতি স্বৰূপে মিথুন চক্ৰৱৰ্তী (Mithun Chakraborty)লৈ প্ৰদান কৰা হৈছে সন্মানীয় দাদাচাহেব ফাল্কে বঁটা (Dadasaheb Phalke Award)। উল্লেখ্য যে কিন্তু কেৱল হিন্দী ছবিয়ে নহয়, মিথুন চক্ৰৱৰ্তীয়ে বাংলাকে ধৰি বহুকেইটা ভাষাৰ কেইবাখনো চিনেমাত অভিনয় কৰিছে। লগতে উপহাৰ দিছে বহুকেইখন হিট ছবি।
আগন্তুক ৭০ সংখ্যক ৰাষ্ট্ৰীয় চলচ্চিত্ৰ বঁটাত মিথুনক এই সন্মান প্ৰদান কৰা হ’ব। ৮ অক্টোবৰত অনুষ্ঠিত হ’ব এই অনুষ্ঠান। এই ঘোষণাৰ পিছত টলিউডৰ পৰা বলীউড উদ্যোগলৈ সকলোৱে তেওঁক শুভেচ্ছা জনাইছে। এই প্ৰসংগত কেন্দ্ৰীয় মন্ত্ৰী অশ্বিনী বৈষ্ণৱে ছ’চিয়েল মিডিয়াত লিখিছে, “ভাৰতীয় চিনেমালৈ মিথুনদাৰ অৱদান বৃহৎ। আৰু সেই অৱদানৰ স্বীকৃতি স্বৰূপে তেওঁলৈ ছবি জগতৰ সৰ্বোচ্চ সন্মান ‘দাদাচাহেব ফাল্কে’ বঁটা প্ৰদান কৰা হৈছে।”
উল্লেখ্য যে চলচ্চিত্ৰৰ জগতখনত বাট বুলাটো তেওঁৰ বাবে সহজ নাছিল। চলচ্চিত্ৰ পৰিচালক মৃণাল সেনৰ সহায়ত তেওঁৰ কেৰিয়াৰ আৰম্ভ হৈছিল। তেওঁ ‘মৃগয়া’ত প্ৰথম অভিনয় কৰিছিল আৰু প্ৰথমখনেই হিট হৈছিল। এই ছবিখনৰ বাবে মিথুনে ৰাষ্ট্ৰীয় বঁটাও লাভ কৰে। ইয়াৰ পিছত তেওঁ আৰু পিছলৈ ঘূৰি চোৱা নাই। এবছৰত ১৯খন ছবি মুক্তিৰ অভিলেখো আছে মিথুন চক্ৰৱৰ্তীৰ নামত। লগতে তেওঁৰ কেৰিয়াৰত মুঠ ৩টা ৰাষ্ট্ৰীয় বঁটা লাভ কৰে। এইবাৰ এই কৃতিত্ব হৈছে সৰ্বোচ্চ সন্মান।
উল্লেখ্য যে এইবাৰ পূজাত এক আড়ম্বৰপূৰ্ণ ৰূপত পৰ্দালৈ ঘূৰি আহিব মিথুন চক্ৰৱৰ্তী। পৰিচালক পাথিকৃত বসুৰ ছবি ‘শাস্ত্ৰী’ত এক বেলেগ ৰূপত দেখা যাব অভিনেতাগৰাকীক।
