ASSAM TIMES POST
প্ৰতি মাহে প্ৰায় দহ লক্ষাধিক টকা ৰাজহ ফাকি : বন বিভাগৰ লগত গোপন বুজাবুজিৰ অভিযোগ
বিভাস দুৱৰা,ডিব্ৰুগড় : ব্যাপক ৰাজহ ফাঁকিৰে ডিব্ৰুগড়ত অবৈধ পলসৰ ৰমৰমীয়া ব্যৱসায়ে সকলোৰে চকু কপালত তুলিছে।জালি তথা ভুৱা চালানেৰে লাখ লাখ টকাৰ ৰাজহ ফাঁকি দি বন বিভাগৰ চকুৰ সন্মুখেদি নিতৌ ৫০ খনৰ অধিক পলসৰ গাড়ী সৰবৰাহ হৈ আহিছে যদিও সংশ্লিষ্ট বিভাগে চকু মুদাৰ কুলিৰ ভাও ধৰি আহিছে।ডিব্ৰুগড় চহৰৰ কাষৰ মোহনাঘাটত একাংশ শাসনাধিস্ত পালিনেতাই বন বিভাগৰ সহযোগত নিতৌ চলায় আহিছে এই অবৈধ ব্যৱসায়।নিতৌ লাখ লাখ টকাৰ সৰলুকি কৰিছে জালি চালানেৰে।যত বন বিভাগৰ কোনো চীল-মোহৰ নথকাৰ লগতে কোনো বিষয়াৰে সস্তাক্ষৰ নথকাতো বিদ্যামান।জানিব পৰা মতে ডিব্ৰুগড়ৰ মোহনাঘাট অঞ্চলৰ ব্ৰস্মপুত্ৰ নদীৰ পলসৰ মহলত নিতৌ প্ৰায় ৫০ ৰ পৰা ৬০ খন পলস কঢ়িওৱা বাহন চলাচল কৰে।
চহৰখনৰ বিভিন্ন স্থানত বিভিন্ন কামৰ বাবে ব্ৰহ্মপুত্ৰৰ বুকুৰ পৰা তথা ব্ৰহ্মপুত্ৰ নদীৰ মূল মথাউৰিৰ নিচেই কাষৰ পৰা খান্দি অনা হয় এই পলস। যিয়ে নেকি চহৰখনৰ সুৰক্ষাৰ প্ৰতিও বহু ভাবুকিৰ স্বৃষ্টি কৰিছে।এনে ক্ষেত্ৰত বিভাগীয় কতৃপক্ষ বা জিলা প্ৰশাসনে যথেষ্ট সষ্টম হোৱাৰ প্ৰয়োজন আছিল বুলিও সচেতন ৰাইজে মত প্ৰকাশ কৰিছে।কিন্তু বাস্তবত সেয়া কাৰ্যত পৰিনত হোৱা নাই।আনহাতেদি চৰকাৰী টিপিৰ বিপৰীতে বাহন সমুহত প্ৰদান কৰে জালি চালান যত বন বিভাগৰ কোনো ধৰণৰ ছিল মোহৰ নাথাকে।নিতৌ প্ৰায় ৫০ খন পলসৰ বাহনত ৫০০শ টকাকৈ জালি চালান প্ৰদান কৰিলে এটা দিনত ২৫ হাজাৰ টকা আৰু মাহত ৭ লাখ ৫০ হাজাৰ টকা ৰাজহ ফাকি দিয়া হয় আৰু এই ৰাজহ ফাঁকি বন বিভাগৰ ছত্ৰছায়াতে হোৱা বুলি গুৰুতৰ অভিযোগ উথাপন হৈছে।
দুৰ্নীতিৰ ক্ষেত্ৰত সততে শূণ্য সহনশীলতাৰ কথা আওৰুৱা মুখ্যমন্ত্ৰীগৰাকীৰ এনে কথা অন্ত:সাৰশূণ্য বুলি মত পোষন কৰি এই অবৈধ পলস খনন আৰু ব্যাপক ৰাজহ ফাঁকিৰ তথ্যসহ এক অভিযোগ আজি জিলা উপায়ুক্তক জ্যেষ্ঠ সাংবাদিক শৰৎ চন্দ্ৰ নেওগে প্ৰদান কৰে।অভিযোগত নেওগে কয় যে মোহনাঘাট অঞ্চলৰ ব্ৰহ্মপুত্ৰৰ এটা ৰিং বান্ধৰ কাষতে বছৰ বছৰ ধৰি অবৈধভাবে একাংশ পলস ব্যৱসায়ীয়ে পলস খনন কৰাৰ ফলত ৰিং বান্ধৰ লগতে চহৰবাসীলৈ প্ৰবল ভাবুকি কৰিয়াই অনাই নহয় চৰকাৰেও হেৰুৱাব লগীয়া হৈছে কোটি টকাৰ ৰাজহ। যোৱা ২৫ নবেম্বৰত মোহনাঘাটৰ এগৰাকী চৰকাৰী গাওবুঢ়াসহ তিনিগৰাকী জ্যেষ্ঠ নাগৰিকে সমগ্ৰ বিষয়ৰ সৰ্ন্দভত মুখ্যমন্ত্ৰীক এক অভিযোগ দাখিলৰ লগতে জিলা উপায়ুক্তক প্ৰতিলিপি দিছিল।ইয়াৰ পিছত আজি পুনৰাই জ্যেষ্ঠ সাংবাদিক শৰৎ চন্দ্ৰ নেওগে দিয়ে। ইমানৰ পিছতো যদি একো বিহিত ব্যবস্থা গ্ৰহন নকৰে তেন্তে দুৰ্নীতিৰ ক্ষেত্ৰত মুখ্যমন্ত্ৰীৰ শূন্য সহনশীলতা ফটা ঢোলৰ বাহিৰে একো নহয় বুলি শৰৎ চন্দ্ৰ নেওগে মন্তব্য কৰে।
