এগৰাকী যুৱকৰ চকুৰ সন্মুখতে (in front of the eyes) নিজৰ হ’বলগীয়া পত্নীক (Wife-to-be) দলবদ্ধ ধৰ্ষণ (Gang rape) কৰাৰ অভিযোগ উত্থাপন হৈছে তিনিজন লোকৰ বিৰুদ্ধে। কেৱল সেয়াই নহয়, এই ঘটনাৰ এটা ভিডিঅ’ও ৰেকৰ্ডিং (Video and recording of the incident) কৰা হয়। ছচিয়েল মিডিয়াত বৰ্তমান ভাইৰেল হৈ পৰিছে ভিডিঅ’টো। আনহাতে, যুৱতীগৰাকীয়ে থানাত এজাহাৰ দাখিল কৰাৰ পিছতে আৰক্ষীয়ে তদন্ত আৰম্ভ কৰি তিনিজন লোকক আটক কৰি জেৰা অব্যাহত ৰাখিছে।
ওড়িশাৰ নয়াগড় (Nayagarh in Odisha) জিলাত সংঘটিত হৈছে এই ঘটনা। যদিও মূল ঘটনাটো ২০ অক্টোবৰৰ, কিন্তু শুকুৰবাৰেহে থানাত লিখিত অভিযোগ দাখিল কৰা বুলি আৰক্ষীয়ে জানিবলৈ দিয়ে। উক্ত অভিযোগৰ ভিত্তিত এফআইআৰ দাখিল কৰি তদন্ত আৰম্ভ হয়।
আৰক্ষীৰ সূত্ৰ অনুসৰি, যোৱা ২০ তাৰিখে ফাতেহগড়ৰ ৰাম মন্দিৰত পূজা কৰিবলৈ গৈছিল দুয়ো যুৱক-যুৱতী। তেওঁলোকৰ বিয়া ঠিক হৈ আছে। সন্ধিয়া মন্দিৰৰ পৰা উভতি অহাৰ পথত তিনিজন যুৱকে বাটভেটি ধৰে। অভিযোগ অনুসৰি, তেওঁলোকক টানি ওচৰৰ হাবিলৈ লৈ যায়। ইয়াৰ পিছতে ডিঙিত ছুৰী থৈ যুৱকজনক আটক কৰি ৰখা হয়। তাৰ পিছত তেওঁৰ সন্মুখতে যুৱতীগৰাকীক ধৰ্ষণ কৰে তিনিজন লোকে। আন এজন ব্যক্তিয়ে তেওঁৰ মোবাইল ফোনত এই ঘটনাৰ ভিডিঅ’ ৰেকৰ্ডিং কৰে। পিছত ছচিয়েল মিডিয়াত প্ৰচাৰ কৰি দিয়ে।
