ন আৰ চিৰ পূৰ্ণ খচৰা প্ৰকাশৰ প্ৰাক মুহূৰ্তত অসমৰ বিভিন্ন জিলাত গ্ৰেপ্তাৰ হৈছে অবৈধ বিদেশী৷ অসমৰ বিভিন্ন জিলাত শেহতীয়াকৈ গ্ৰেপ্তাৰ হৈছে প্ৰায় ৩০ জনকৈ অবৈধ নাগৰিক৷ এই অবৈধ নাগৰিকসকলক বাংলাদেশী বুলি চিনাক্ত কৰা হৈছে৷
উল্লেখযোগ্য যে এই বাংলাদেশী নাগৰিকসকলে কোনো যাৱতীয় নথিপত্ৰলৈ ভাৰতত প্ৰৱেশ কৰা নাছিল৷ আৰক্ষীয়ে গ্ৰেপ্তাৰ কৰাৰ পাছত তেওঁলোকক আদালতত হাজিৰ কৰায়৷ আদালতৰ নিৰ্দেশ মৰ্মে এইসকল লোকক আজি কৰিমগঞ্জ সীমান্তৰ কালীবাৰী ঘাটেদি প্ৰত্যাৱৰ্তন কৰোৱা হয়৷ ইয়াৰ বাবে কাছাৰ, কৰিমগঞ্জ, তেজপুৰ, শিৱসাগৰ, গোলাঘাটসহ মুঠ ১০ খন জিলাৰ পৰা সকলোকে কৰিমগঞ্জলৈ অনা হয়৷
তাৰ পাছতে কৰিমগঞ্জ সীমান্তইদি বাংলাদেশৰ জকিগঞ্জত গটাই দিয়াৰ ব্যৱস্থা কৰে৷ আজি কৰিমগঞ্জৰ অতিৰিক্ত আৰক্ষী প্ৰধান ড° দেৱজিৎ নাথে বাংলাদেশী অনুপ্ৰৱেশকাৰীসকলক তেওঁলোকৰ নিজৰ দেশত গটাই দিয়ে৷
