ছলমান খানক পুনৰ হত্যাৰ ভাবুকি (Salman Khan threatened to kill him again)। এই ভাবুকি বাৰ্তা মুম্বাই যান-বাহন আৰক্ষীলৈ (Threat message to Mumbai traffic police) প্ৰেৰণ কৰা হৈছে। তাত দাবী কৰা হৈছে যে ছলমান খানে দুই কোটি টকা (Two crores demanded) নিদিলে তেওঁক হত্যা কৰা হ’ব। এই ঘটনাই তীব্ৰ চাঞ্চল্যৰ সৃষ্টি কৰিছে। মুম্বাই আৰক্ষীয়ে এই ভাবুকি কোনে প্ৰেৰণ কৰিছে তাৰ তদন্ত চলাই আছে। আৰক্ষীৰ সূত্ৰ অনুসৰি, ছলমানক হত্যাৰ ভাবুকি দি যান-বাহন আৰক্ষীলৈ বাৰ্তা প্ৰেৰণ কৰা হৈছে। কিন্তু ক’ৰ পৰা বাৰ্তা প্ৰেৰণ কৰা হৈছে তাৰ কোনো উল্লেখ নাই। এই সন্দৰ্ভত মুম্বাইৰ ৱাৰ্লিত এজন অচিনাক্ত ব্যক্তিৰ বিৰুদ্ধে গোচৰ ৰুজু হৈছে।
উল্লেখ্য যে দুদিনমান পূৰ্বে মৃত্যুৰ ভাবুকি লাভ কৰিছিল ছলমানে। কেৱল ছলমানেই নহয়, নিহত এন চি পি নেতা (অজিত পাৱাৰ গোট) বাবা ছিদ্দিকীৰ পুত্ৰ জীশানকো ভাবুকি দিয়া হৈছিল। মঙলবাৰে জনা যায় যে শেহতীয়াকৈ জীশানে মৃত্যুৰ ভাবুকি লাভ কৰিছিল। তেওঁ মুম্বাইৰ বান্দ্ৰা ইষ্ট সমষ্টিৰ বিধায়ক। শুকুৰবাৰে সন্ধিয়া তেওঁৰ বান্দ্ৰা কাৰ্যালয়লৈ অচিনাকি নম্বৰৰ পৰা ফোন আহে। অভিযোগ অনুসৰি, জীশানক ফোনযোগে হত্যাৰ ভাবুকি দিয়া হৈছিল। ছলমান খানকো একেদৰেই ভাবুকি প্ৰেৰণ কৰা হৈছে। এই সন্দৰ্ভত মঙলবাৰে নয়দাৰ পৰা মুম্বাই আৰক্ষীয়ে গ্ৰেপ্তাৰ কৰে অভিযুক্ত যুৱকজনক।
