কাৰ্বি আংলং (Karbi Anglong), পশ্চিম কাৰ্বি আংলং (West Karbi Anglong) আৰু ডিমা হাচাও জিলা (Dima Hasao District)ক সামৰি এখন স্বায়ত্ত শাসিত ৰাজ্যৰ দাবীত (Demanding an autonomous state) আজি নতুন দিল্লীৰ যন্তৰ-মন্তৰত (Jantar-Mantarat) ধর্ণা প্রদর্শন (Dharna display) কৰে কাৰ্বি আংলং জিলাৰ বহু কেইটা দল-সংগঠনে। কাধাছডিকম, ডিমাছ্য ছাত্র সন্থা, কার্বি আদৰবাৰ, তিৱা আদৰবাৰ, কাৰছা, কুইয়া নামৰ সংগঠন কেইটাই প্রদর্শন কৰা ধর্ণা স্থলীত উপস্থিত থাকে পার্বত্য জিলা তিনিখনৰ সাংসদ অমৰছিং তিছ’।
তিনিওখন পার্বত্য জিলাক সামৰি এখন স্বায়ত্ত শাসিত বাজ্য গঠনৰ বাস্তৱ ৰূপ দিবলৈ সংসদৰ শীতকালীন অধিবেশন চলি থকা সময়ত কেন্দ্রীয় চৰকাৰৰ দৃষ্টি আকর্ষণৰ লক্ষ্যৰে এই ধর্ণা প্রদর্শন কৰা বুলি জানিব পৰা গৈছে। ধর্ণাস্থলীত উপস্থিত থাকি ডিফু লোকসভা সমষ্টিৰ সাংসদ অমৰছিং তিছই ২৪৪ (ক) ধাৰা ৰূপায়ণৰ ক্ষেত্রত আশাবাদী বুলি মত প্রকাশ কৰে। সাংসদগৰাকীয়ে কয় যে, বিজেপি চৰকাৰে এই ধাৰা ৰূপায়ণব প্রচেষ্টা চলাই আছে। ৰাজ্য চৰকাৰে এইক্ষেত্রত সহযোগিতা আগবঢ়োৱা বুলিও সাংসদগৰাকীয়ে তাৎপর্যপূর্ণ মন্তব্য কৰে। উল্লেখ্য যে দিল্লীত অধ্যয়নৰত কাৰবি ছাত্র সন্থাৰ নেতা, মিজোৰামৰ পৰা অহা চাকমা ছাত্র সন্থাৰ নেতাসকলেও ধর্ণা প্রদর্শনত অংশ গ্রহণ কৰি ভাষন প্রদান কৰে।
