২০২৫ বৰ্ষৰ বাবে অসম চৰকাৰে ঘোষণা কৰিছে শিল্পী বঁটা (Silpi Award) । এই শিল্পী বঁটাৰ বাবে এইবাৰ মনোনয়ন লাভ কৰিছে কণ্ঠশিল্পী ডঃ অণিমা চৌধুৰী আৰু বিশিষ্ট লোকশিল্পী শ্ৰীমুকুল ৰাভাই।
অহা ১৭ জানুৱাৰীত গোলাঘাটত আয়োজিত কেন্দ্রীয় শিল্পী দিৱসৰ অনুষ্ঠানত তেওঁলোকক এই বঁটাৰে সন্মানিত কৰা হ’ব।ইয়াৰ উপৰি অসমৰ কলা-সংস্কৃতি, সমাজ আৰু সাহিত্য জগতলৈ অমূল্য অৱদান যোগোৱা তিনিগৰাকী ব্যক্তিক ৰাজ্যিক পৰ্যায়ৰ বঁটাৰে সন্মানিত কৰা হ’ব।
ইয়াৰে ভিতৰত ২০২৪ বৰ্ষৰ নটসূর্য ফণী শৰ্মা বঁটা বিশিষ্ট অভিনেত্রী ৰেবা ফুকন, সাহিত্যাচার্য অতুল চন্দ্ৰ হাজৰিকা বঁটা অভিনেত্রী হীৰা নেওগ আৰু ভীমবৰ দেউৰী বঁটা বিশিষ্ট সমাজকর্মী জলেশ্বৰ ব্ৰহ্মক প্ৰদান কৰা হ’ব।
