ASSAM TIMES POST
বিশেষ প্ৰতিবেদক
কটন কলেজিয়েট হাইস্কুলৰ অৱসৰপ্ৰাপ্ত অধ্যক্ষ তথা অসম জাতীয় বিদ্যালয়ৰ অন্যতম প্ৰাণ প্ৰতিষ্ঠাতা তথা প্ৰাক্তন ৰেক্টৰ, বিশিষ্ট শিক্ষাবিদ, পণ্ডিত বনমালী তালুকদাৰৰ বৃহস্পতিবাৰে নিশা বিয়োগ ঘটে।
ৰাষ্ট্ৰপতি সন্মানেৰে সন্মানিত বিশিষ্ট শিক্ষাবিদগৰাকীয়ে বৃহস্পতিবাৰে নিশা নিজা বাসগৃহত শেষ নিশ্বাস ত্যাগ কৰে। উল্লেখ্য যে তীক্ষ্ণ মেধা সম্পন্ন তথা দায়িত্বশীল শিক্ষক বনমালী তালুকদাৰ অসমীয়া জাতিৰ এজন বহুল সমাদৃত ব্যক্তি।
অসম জাতীয় বিদ্যালয় প্ৰতিষ্ঠাৰ কিছু বছৰ পিছৰে পৰা তালুকদাৰ জড়িত হৈ পৰিছিল জাতীয় বিদ্যালয়ৰ পৰিয়ালৰ সৈতে। প্ৰায় ডেৰ দশকৰো অধিক কাল জাতীয় বিদ্যালয়ৰ সৈতে জড়িত হৈ থকা তালুকদাৰৰ মৃত্যুৰ সময়ত বয়স আছিল ৮৫ বছৰ।
