শুকুৰবাৰে মুখ্যমন্ত্ৰী ডঃ হিমন্ত বিশ্ব শৰ্মাই এই কথা কয় যে অহা ২২ ফেব্ৰুৱাৰীৰ পৰা গুৱাহাটী বিমানবন্দৰ (Guwahati Airport)ৰ ৪ হাজাৰ কোটি টকাৰ নতুন টাৰ্মিনেল (New terminal) ভৱনটো কাৰ্যক্ষম হ’ব। ২০ ডিচেম্বৰত প্ৰধানমন্ত্ৰী নৰেন্দ্ৰ মোদীয়ে লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ এই নতুন টাৰ্মিনেলটো উদ্বোধন কৰিছিল। সামাজিক মাধ্যমৰ এটা পোষ্টত মুখ্যমন্ত্ৰীয়ে কয় যে মাত্ৰ কেইটামান বছৰৰ ভিতৰতে এখন মুকলি ঠাইৰ পৰা এটা বিশ্বমানৰ গে’টৱেলৈ পৰিৱৰ্তন হৈছে। ২২ ফেব্ৰুৱাৰীৰ (22nd February) পৰা গুৱাহাটী বিমানবন্দৰ (Guwahati Airport) বিশ্বৰ বাবে মুকলি (Open to the world) হ’ব বুলিও তেওঁ কয়।
আনহাতে, মাৰ্চ মাহৰ ভিতৰতে ইয়াৰ পৰা ঘৰুৱা আৰু আন্তঃৰাষ্ট্ৰীয় বিমান সেৱা আৰম্ভ হোৱাৰ সম্ভাৱনা আছে আৰু পুৰণি টাৰ্মিনেলটো কাৰ্গো হাবলৈ ৰূপান্তৰিত কৰা হ’ব। উল্লেখ্য যে ৪ হাজাৰ কোটি টকাৰ এই ইণ্টিগ্ৰেটেড টাৰ্মিনেল-২ বিল্ডিংটোৱে বছৰি ১ কোটি ৩১ লাখ যাত্ৰীক সেৱা আগবঢ়াব।
