ভাৰতৰ পাৰমাণৱিক নীতি (India’s nuclear policy)ৰ এক বৃহৎ পৰিৱৰ্তন (Big change)। প্ৰথমবাৰৰ বাবে নতুন দিল্লীয়ে পোনপটীয়াকৈ যুদ্ধৰ বাবে নিয়োগ (Recruitment for war) কৰিছে ১২টা পাৰমাণৱিক অস্ত্ৰ (12 nuclear weapons)। আন্তঃৰাষ্ট্ৰীয় অস্ত্ৰ গৱেষণা সংস্থা ‘SIPRI’-ৰ শেহতীয়া প্ৰতিবেদনত এই কথা দাবী কৰা হৈছে।
এতিয়ালৈকে ভাৰতৰ নীতি আছিল সুকীয়া স্থানত নিক্ষেপ কৰিবলৈ পাৰমাণৱিক বোমা আৰু ক্ষেপণাস্ত্ৰ ৰখা। কিন্তু SIPRI-ৰ প্ৰতিবেদনত কোৱা হৈছে যে এইবাৰ ভাৰত সেই দীৰ্ঘদিনীয়া স্থিতিৰ পৰা আঁতৰি আহিছে। প্ৰথমবাৰৰ বাবে দেশৰ পাৰমাণৱিক অস্ত্ৰসমূহ কেৱল ‘মজুত’ কৰি নাৰাখি ব্যৱহাৰৰ বাবে সাজু কৰি ৰখা হৈছে।
এই অস্ত্ৰসমূহ ভূগৰ্ভস্থ ক্ষেপণাস্ত্ৰ ঘাটি আৰু পাৰমাণৱিক ছাবমেৰিনত ৰখাৰ অৰ্থ হ’ল ভাৰত এতিয়া যিকোনো পৰিস্থিতিৰ বাবে সম্পূৰ্ণৰূপে সাজু। প্ৰতিবেদনত কোৱা হৈছে যে এই ১২টা পাৰমাণৱিক বোমা ইতিমধ্যে মিছাইলৰ লগত সংলগ্ন কৰা হৈছে বা পোনপটীয়াকৈ সেনাঘাটিলৈ প্ৰেৰণ কৰা হৈছে।
তদুপৰি বিগত এবছৰত ভাৰতীয় পাৰমাণৱিক অস্ত্ৰৰ সংখ্যাও সামান্য বৃদ্ধি পাইছে। এই প্ৰতিবেদনত ভাৰতে ছাবমেৰিনত পাৰমাণৱিক অস্ত্ৰ লৈ সাগৰত টহল দিয়াৰ কথাও উল্লেখ কৰিছে। হিচাপ অনুসৰি, ২০২৬ চনৰ জানুৱাৰী মাহৰ ভিতৰত ভাৰতৰ হাতত প্ৰায় ১৯০ টা পাৰমাণৱিক অস্ত্ৰ থাকিব। বৰ্তমান ভাৰতত তিনিটা উপায়েৰে পাৰমাণৱিক আক্ৰমণ চলোৱাৰ ক্ষমতা আছে- জল, স্থল আৰু আকাশ। বিশেষজ্ঞসকলৰ মতে, শান্তিৰ সময়তো ক্ষেপণাস্ত্ৰৰ ভিতৰত পাৰমাণৱিক বোমা ৰখা আৰু সাগৰত ছাবমেৰিনৰ নিয়মীয়াকৈ চোৱাচিতা কৰাটোৱে ভাৰতে নিজৰ কৌশল বহু পৰিমাণে সলনি কৰিছে বুলি প্ৰমাণ কৰে। কিন্তু এই পৰিৱৰ্তনৰ পাছতো ভাৰতে নিজৰ ‘ন’ ফাৰ্ষ্ট ইউজ’ নীতিত অটল আছে।
অৰ্থাৎ ভাৰতে কেতিয়াও নিজাববীয়াকৈ কোনো দেশত পাৰমাণৱিক বোমা নিক্ষেপ নকৰে। অৰ্থাৎ কোনো দেশে যদি ভাৰতৰ মাটিত বা ভাৰতীয় সেনাবাহিনীৰ ওপৰত পাৰমাণৱিক আক্ৰমণ চলায় তেন্তে ভাৰতে প্ৰতিশোধ ল’ব। এই অস্ত্ৰভাণ্ডাৰ কোনো দেশৰ সৈতে প্ৰতিযোগিতাৰ বাবে নহয়, দেশৰ বাবে সুৰক্ষামূলক ঢাল হিচাপেহে ব্যৱহাৰ হ’ব।
