ASSAM TIMES POST
নগাওঁ : নগাঁও চহৰৰ অগ্ৰণী শিক্ষানুষ্ঠান ৰামানুজন মাধ্যমিক বিদ্যালয়ত আজি বিজ্ঞান দিৱস উদযাপন কৰা হয় । বিদ্যালয়খনৰ অধ্যক্ষ দিলীপ কুমাৰ বৰাই আঁত ধৰা অনুষ্ঠানত এগছি বন্তি প্ৰজ্বলন কৰি বিজ্ঞান দিৱসৰ তাৎপৰ্য ব্যাখ্যা কৰে বিদ্যালয়ৰ প্ৰবক্তা ডঃ ৰাতুল কুমাৰ নাথে । আনহাতে বিজ্ঞান দিৱস উদযাপনৰ উদ্বোধনী ভাষণত “RAMAN EFFECT” সম্পৰ্কে বক্তৃতা প্ৰদান কৰে বিদ্যালয়খনৰ প্ৰবক্তা অনিন্দিতা দেৱীয়ে ।
ইপিনে উক্ত অনুষ্ঠানৰ লগত সংগতি ৰাখি ছাত্ৰ-ছাত্ৰীসকলৰ মাজত এখনি প্ৰকল্প আৰ্হিৰ প্ৰতিযোগিতা অনুষ্ঠিত কৰা হয়। এই আৰ্হিসমূহ নিৰীক্ষণ কৰে প্ৰবক্তা প্ৰশান্ত শৰ্মা আৰু অসম বিজ্ঞান সমিতিৰ সক্ৰিয় সদস্য তথা মাৰোৱাৰী হিন্দী হাইস্কুলৰ সহকাৰী প্ৰধান শিক্ষক কিশোৰ দেৱে ।
অনুষ্ঠানৰ শেষত ছাত্ৰ-ছাত্ৰী সকলৰ বৌদ্ধিক আৰু মানসিক বিকাশৰ প্ৰতি লক্ষ্য ৰাখি এখন কুইজ প্ৰতিযোগিতা অনুষ্ঠিত কৰা হয়। কুইজ প্ৰতিযোগিতাখনিৰ আঁত ধৰে শিক্ষয়ত্ৰী স্মৃতি ভট্টাচাৰ্য আৰু শিক্ষক প্ৰাণজিৎ শৰ্মাই ।
