ভাৰতত থকা আমেৰিকাৰ ৰাষ্ট্ৰদূত চাৰ্জিঅ’ গোৰে (American Ambassador George Gor) জম্মু-কাশ্মীৰৰ মুখ্যমন্ত্ৰী (Chief Minister of Jammu and Kashmir) ওমৰ আব্দুল্লাক সাক্ষাৎ (Meeting with Omar Abdullah) কৰে। ৰাষ্ট্ৰদূত হোৱাৰ পিছত এয়া তেওঁৰ প্ৰথমটো জম্মু-কাশ্মীৰ ভ্ৰমণ। বুধবাৰে ওমৰ আব্দুল্লাক সাক্ষাৎ কৰাৰ পিছত গোৰে কয় যে জম্মু-কাশ্মীৰ ভাৰতৰ এক গুৰুত্বপূৰ্ণ অংশ। আমেৰিকাই জম্মু-কাশ্মীৰ ভ্ৰমণ সন্দৰ্ভত আমেৰিকাৰ নাগৰিকক দিয়া পৰামৰ্শৰ সামান্য পৰিৱৰ্তনৰো তেওঁ ইংগিত দিয়ে।
সন্ত্ৰাসবাদী কাৰ্যকলাপ আৰু জনসাধাৰণৰ প্ৰতিবাদৰ আশংকাত আমেৰিকাৰ বিদেশ মন্ত্ৰালয়ে বৰ্তমান জম্মু-কাশ্মীৰলৈ যোৱাত নিষেধাজ্ঞা আৰোপ কৰিছে। ‘লেভেল ফ’ৰ’ নিষেধাজ্ঞাৰ জৰিয়তে অতি প্ৰয়োজনীয় নহ’লে জম্মু-কাশ্মীৰলৈ যাত্ৰা নকৰিবলৈ পৰামৰ্শ দিয়া হৈছে। পূব লাডাখ আৰু লেহ অৱশ্যে এই নিষেধাজ্ঞাৰ অন্তৰ্গত নহয়। বুধবাৰে গোৰে কয় যে আমেৰিকাই কাশ্মীৰ ভ্ৰমণৰ নিষেধাজ্ঞা শিথিল কৰিব পাৰে। ইয়াৰ কাৰণ ব্যাখ্যা কৰি আমেৰিকাৰ ৰাষ্ট্ৰপতি ড’নাল্ড ট্ৰাম্পৰ ঘনিষ্ঠ গোৰে কয় যে অঞ্চলটোত শান্তি আৰু নিৰাপত্তা বজাই ৰখাৰ বাবে কিছু উল্লেখযোগ্য পদক্ষেপ গ্ৰহণ কৰা হৈছে। সেই কথা মনত ৰাখি ট্ৰাম্প প্ৰশাসনে কাশ্মীৰৰ ভ্ৰমণ নিষেধাজ্ঞা শিথিল কৰিব পাৰে। বৃহস্পতিবাৰে লাডাখ ভ্ৰমণ কৰিব ভাৰতত থকা আমেৰিকাৰ ৰাষ্ট্ৰদূতগৰাকী।
