কেন্দ্রীয় মন্ত্রীৰ প্রস্তাৱ (Proposal of the central minister)ৰ প্রতি সঁহাৰি নজনোৱাৰ পিছত এইবাৰ ওলোটাকৈ আক্ৰমণ ককৰোচ জনতা পাৰ্টীৰ মুৰব্বী (A senior of the Cockroach Janata Party) অভিজিৎ দীপকে (Abhijeet Dipke)ৰ৷ উল্লেখ্য যে মন্ত্ৰী ৰামদাস আঠাৱালে (Ramdas (Athawale) দীপকেক নিজৰ দল ৰিপাব্লিকান পাৰ্টী অব ইণ্ডিয়া (এ)ত যোগদানৰ প্ৰস্তাৱ দিছিল। দীপকেয়েও কেইঘণ্টামানৰ ভিতৰতে এই প্ৰস্তাৱৰ প্ৰতি সঁহাৰি জনালে।
হিন্দুস্তান টাইমছৰ এক প্ৰতিবেদন অনুসৰি, দীপকেয়ে ইনষ্টাগ্ৰামযোগে আঠাৱালেক কয়, “এমাহৰ আগতেই মই আপোনাৰ দৃষ্টিত দেশদ্ৰোহী আছিলোঁ!” তেওঁ পৰোক্ষভাৱে ইংগিত দিব বিচাৰিছিল যে দেশদ্ৰোহী বুলি গণ্য কৰা এজন ব্যক্তিক পুনৰ এনডিএত যোগদানৰ প্ৰস্তাৱ কেনেকৈ দিয়া হৈছে? উল্লেখ্য যে কেন্দ্ৰত বিজেপি নেতৃত্বাধীন শাসকীয় মিত্ৰজোঁটৰ অন্যতম অংশীদাৰ আঠাৱালেৰ দল।
সোমবাৰে আঠাৱালে কৈছিল, “মই ভাবোঁ অভিজিত দীপকে এজন আম্বেদকাৰপন্থী। তেওঁ বয়সত নবীন আৰু অতি সক্ৰিয়। তেওঁ ৰিপাব্লিকান পাৰ্টী অব ইণ্ডিয়া (এ)ত যোগদান কৰাৰ কথা চিন্তা কৰা উচিত।” একে সময়তে ৰামদাসে দীপকেক এনডিএৰ প্ৰত্যক্ষ সদস্যপদৰ প্ৰস্তাৱ দি কয়, “তেওঁ (দীপকে) শাসকীয় মিত্ৰজোঁটত যোগদান কৰা উচিত।”
অৱশ্যে শেহতীয়াকৈ চিজেপিৰ মুৰব্বীগৰাকীয়ে কয় যে তেওঁ ৰাজনীতিত যোগদান কৰিব নিবিচাৰে। তেওঁ ৰাজনীতিত যোগদান কৰিব নিবিচৰাৰ কাৰণো বুজাই দি কয় যে ৰাজনীতি আৰু নিৰ্বাচনী ব্যৱস্থাৰ প্ৰতি মানুহৰ আস্থা হেৰাই গৈছে। তেওঁৰ মতে, দেশৰ উন্নয়নৰ বাবে এটা সুকীয়া ৰাজনৈতিক দলতকৈ গণ আন্দোলন গঢ়ি তোলাটো অধিক গুৰুত্বপূৰ্ণ।
