ককৰোচ জনতা পাৰ্টীৰ প্ৰতিষ্ঠাপক (Founder of the Cockrroach Janata Party) অভিজিৎ দীপকেক (Abhijit Dipke) এনডিএত যোগদান কৰিবলৈ এগৰাকী কেন্দ্ৰীয় মন্ত্ৰীয়ে আমন্ত্ৰণ (Invitation to join the NDA) জনাইছে। “বি আৰ আম্বেদকাৰৰ সপোন পূৰণৰ বাবে” দীপকেক দলত যোগদানৰো প্ৰস্তাৱ দিছে।
সোমবাৰে
কেন্দ্ৰীয় সামাজিক ন্যায় আৰু সবলীকৰণৰ ৰাজ্যিক মন্ত্ৰী ৰামদাস আঠাৱালেয়ে (Minister Ramdas Athawale) দীপকেক তেওঁৰ দল ৰিপাব্লিকান পাৰ্টী অব ইণ্ডিয়া (এ)ত যোগদানৰ প্ৰস্তাৱ দিয়ে। কেন্দ্ৰত বিজেপি নেতৃত্বাধীন শাসকীয় এনডিএৰ অংশীদাৰ আঠাৱালেৰ দলটো। আঠাৱালেয়ে কয়, “মই ভাবোঁ অভিজিত দীপকে আম্বেদকাৰৰ সমৰ্থক। তেওঁ ডেকা আৰু অতি সক্ৰিয়। তেওঁ ৰিপাব্লিকান পাৰ্টী অব ইণ্ডিয়া (এ)ত যোগদান কৰাৰ কথা বিবেচনা কৰা উচিত।”
একে সময়তে দীপকেক পোনপটীয়াকৈ এনডিএত যোগদান কৰাৰ প্ৰস্তাৱ দি ৰামদাসে কয়, “আমাৰ চৰকাৰৰ মতে কোনোবাই যদি ভুল কৰে তেন্তে তেওঁক শাস্তি দিয়া উচিত। সেয়েহে তেওঁ (দীপকে) শাসকীয় মিত্ৰজোঁটত যোগদান কৰিব লাগে।”
অৱশ্যে এই সন্দৰ্ভত দীপকেৰ বক্তব্য এতিয়াও উপলব্ধ হোৱা নাই। অৱশ্যে শেহতীয়াকৈ চিজেপিৰ মুৰব্বীগৰাকীয়ে কয় যে তেওঁ ৰাজনীতিত যোগদান কৰিব নিবিচাৰে। কাৰণ ব্যাখ্যা কৰি দীপকেয়ে কয়, “ৰাজনীতি আৰু নিৰ্বাচনী ব্যৱস্থাৰ প্ৰতি মানুহৰ বিশ্বাস হেৰাই গৈছে।” একে সময়তে তেওঁ কয় যে, দেশৰ উন্নয়নৰ বাবে পৃথক ৰাজনৈতিক দলতকৈ গণ আন্দোলন সৃষ্টি কৰাটো অধিক গুৰুত্বপূৰ্ণ। দীপকয়ে কয়, “যিদৰে ন্যায়পালিকা, নিৰ্বাচনী ব্যৱস্থা আৰু সংবাদ মাধ্যমৰ প্ৰতি মানুহৰ আস্থা হেৰাইছে, দেশত গণ আন্দোলনৰ প্ৰয়োজন।”
