বুধবাৰে কেইবাটাও কাৰ্যসূচী হাতত লৈ ডিফুত উপস্থিত (Present in Diphu) হয় ৰাজ্য চৰকাৰৰ কৃষি আৰু জলসিঞ্চন (Agriculture and Irrigation) বিভাগৰ মন্ত্ৰী পীযুষ হাজৰিকা (Minister Piyush Hazarika)। কাৰ্বি আংলং জিলাৰ অভিভাৱক মন্ত্ৰীগৰাকীয়ে ডিফুৰ তাৰালাংছ’স্থিত কাজিৰ ৰংহাংপী অতিথিশালাৰ প্ৰেক্ষাগৃহত কৃষি, জলসিঞ্চনৰ লগতে কেইবাটাও বিভাগৰ মুৰব্বী বিষয়াসকলৰ সৈতে এক পৰ্যালোচনা বৈঠক অনুষ্ঠিত কৰে। ইয়াৰ পিছত ছেৰতালিন প্ৰেক্ষাগৃহত অনুষ্ঠিত কৃষি উদ্যোগ অনুষ্ঠানত তেওঁ অংশ কৰে। অনুষ্ঠানত কাৰ্বি আংলঙৰ কৃষকসকলে চৰকাৰৰ পৰা ঋণ লৈ কেনেদৰে ইয়াৰ সদ্ব্যৱহাৰ কৰি নিজকে স্বাৱলম্বী কৰিব পাৰে সেই সন্দৰ্ভত তেওঁ বিতংভাৱে ব্যাখ্যা কৰে। উক্ত কাৰ্যসূচীত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং, বিধায়কসকলৰ লগতে জিলা আয়ুক্ত উপস্থিত থাকে।
আনহাতে, কাজিৰঙা পৰিৱেশ সংবেদনশীল অঞ্চলক লৈ কংগ্ৰেছে কৰা বিৰোধ সন্দৰ্ভত মন্ত্ৰীগৰাকীয়ে প্ৰতিক্ৰিয়া প্ৰকাশ কৰে। মন্ত্ৰী পীযুষ হাজৰিকাই কয় যে নিজৰ শাসনকালত কাজিৰঙাৰ গঁড় হত্যা কৰা কংগ্ৰেছ দলে কাজিৰঙাৰ কথা কোৱাটো লজ্জাজনক। নাম নোলোৱাকৈ গৌৰৱ গগৈক কটাক্ষ কৰি পীযুষ হাজৰিকাই কয় যে বিদেশত পঢ়ি অহা দলটোৰ মুৰব্বীগৰাকীয়ে ‘Eco Sensitive Zone’ আৰু ‘Economic Sensitive Zone’-ৰ মাজৰ পাৰ্থক্য বুজি নাপায়। সেই দলে কি আন্দোলন কৰিব জনা আছে বুলি উল্লেখ কৰে কাৰ্বি আংলঙৰ অভিভাৱক মন্ত্ৰীগৰাকীয়ে কয় যে কংগ্ৰেছে কিয় গঁড় হত্যা কৰিছিল সেই কথা প্ৰথমতে অসমৰ ৰাইজৰ আগত প্ৰকাশ কৰক।
