ASSAM TIMES POST
ডিফু: ডিষ্ট্ৰিক্ট লীগেল ছাৰ্ভিছ অথ’ৰিটি চমুকৈ ডিএলএছএৰ উদ্যোগত আজি ডিএলএছএৰ সভা কক্ষত আৱশ্যক সন্ধানী সকলৰ মাজত আইনী সুবিধা উপলব্ধ কৰাবলৈ এক অ’ৰিয়েণ্টেছন কাৰ্যসূচী অনুষ্ঠিত কৰা হয় ৷ সমাজত আৱশ্যক সন্ধানী আৰু দৰিদ্ৰ শ্ৰেণীৰ মাজত আইনী অধিকাৰ আৰু সুবিধা উপলব্ধ কৰাবলৈ অৰ্দ্ধ আইনী স্বেচ্ছাসেৱকৰ বিশেষ দায়িত্ব পালনৰ বাবে সজাগতা সৃষ্টি কৰাই এই অ’ৰিয়েণ্টেছন কাৰ্যসূচীৰ মূল লক্ষ্য আৰু উদ্যেশ্য ৷
আৱশ্যক সন্ধানী আৰু দৰিদ্ৰ লোকৰ মাজত আইনী প্ৰতিষ্ঠান সমূহৰ মাজত ব্যৱধান হ্ৰাস কৰাই অৰ্দ্ধ আইনী স্বেচ্ছাসেৱক সকলৰ কৰ্তব্যৰ ভিতৰত পৰে ৷ এনে স্বেচ্ছাসেৱী সকলে সমাজত আইনী সুবিধা প্ৰদান কৰা বিষয় সমূহৰ ওপৰত ডিএলএছএৰ অধ্যক্ষ, তথা জিলা সত্ৰ ন্যায়াধীশ এজেএছ আব্দুল হেকিম, সচিব তথা আইনী বিষয়া এজেএছ নেগিব আহমেদ মুখ্য ন্যায়িক দণ্ডাধীশ মমতা ভাদানী, অধিবক্তা ৰবিনচন হাঞ্চে, আজিৰ কাৰ্যসূচীত আলোকপাত কৰে ৷ অৰ্দ্ধ আইনী স্বেচ্ছাসেৱক সকলে এনে অ’ৰিয়েণ্টেছন কাৰ্যসূচীকলৈ সন্তুষ্টি প্ৰকাশ কৰে ৷
