ASSAM TIMES POST
ডিফুৰ পৰা ছাইদু ইছলামৰ বিশেষ প্ৰতিবেদন
পাহাৰীয়া জিলা কাৰবি আংলঙৰ পৰ্যটনথলীৰ তালিকাত সংযোজন হ’ল আন সম্ভাব্য এক জলপ্ৰপাত! হয়, কাৰবি আংলংবাসীৰ ই এক সু -খবৰ ৷ নিলীপ পৰিষদীয় সমষ্টি নিলীপৰ এক দুৰ্গম এলেকা কয়লা মাটিৰ ঘন অৰণ্যৰ ভিতৰত আৱিষ্কাৰ হৈছে জলপ্ৰপাতটো ৷
আচৰ্যৰ বিষয় এইটো যে, বিগত ৫ বছৰমান পূৰ্বে স্থানীয় গাওঁবাসীয়ে প্ৰত্যক্ষ কৰে উক্ত জলপ্ৰপাতটো ৷ জলপ্ৰপাতটো মৰ্ম বুজিব নোৱাৰা প্ৰত্যক্ষদৰ্শীয়ে এই জলপ্ৰপাতটো বিভাগীয় কৰ্তৃপক্ষৰ দৃষ্টিগোছৰ নকৰালে ৷ কেএছএৰ কেন্দ্ৰীয় সমিতিৰ কাৰ্যবাহী সদস্য, স্থানীয় গাওঁবুঢ়া, কয়লামাটি উন্নয়ণ সমিতি আৰু কেএছএৰ সদস্য সকলে পুণৰ জলপ্ৰপাতটোক আৱিষ্কাৰ কৰি যোৱা ৫ মাৰ্চত নৱ আৱিষ্কৃত জলপ্ৰপাতটো শুভ উদ্ধোধন কৰে ৷
উদ্ধোধন কৰা জলপ্ৰপাতটোৰ নাম “ছেমেলাংছ জলপ্ৰপাত” জলপ্ৰপাতটো চকীহ’লা থানাৰ পৰা প্ৰায় ১৫ কিল’মিটাৰ আৰু কয়লামাটি বজাৰৰ পৰা প্ৰায় ৩ কিল’মিটাৰ নিলগত অৱস্থিত ৷নামেৰে নামাকৰণ কৰা হৈছে ৷ উক্ত স্থানতে কাৰবি আৰু নগা সম্পৰদায়ৰ লোক সকলে বিশৃংখলতা আৰু ঘৃণাৰ সৃষ্টি নকৰাকৈ প্ৰেম আৰু ভাতৃত্ববোধ বজাই ৰাখি সুখেৰে বসবাস কৰিব বুলি প্ৰতিশ্ৰুতিবদ্ধ হৈছিল ৷
পিছপৰা আৰু চকু নপৰা নিলীপ সমষ্টিৰ উৎকৃষ্ট সামাজিক উন্নয়ণ কৰাৰ বাবে কাৰবি ছাত্ৰ সন্থা চমুকৈ কেএছএ আৰু গাওঁবুঢ়া সকলে প্ৰচেষ্টা ৰাখিছে বুলি কেএছএৰ কেন্দ্ৰীয় সমিতিৰ কাৰ্যবাহী সদস্য ভাৰ্ণভাছ কিলিঙে এক বিবৃতি যোগে জানিবলৈ দিছে ৷ এই সন্দৰ্ভত অনুষ্ঠিত হোৱা এক সভাত কেএছএ, গাওঁবুঢ়া সকল আৰু কয়লামাটি উন্নয়ণ পৰিষদে জলপ্ৰপাতটো সৌন্ধৰ্যবৃদ্ধি কৰণৰ সিদ্ধান্ত গ্ৰহণ কৰিছে ৷
উদ্ধোধনী অনুষ্ঠানত কেএছএৰ ভাৰ্ণভাছ কিলিঙ ছিংনড বে’, জ্যেষ্ঠ নাগৰিক হৰ’ছিং বে’, মদন কাথাৰ, ডেনিয়েল টকবী, বাপুৰাম তিছ’, থানুৰাম কিলিঙ, মেণ্ডালচন ৰংফাৰ , স্থানীয় যুৱক আৰু গাওঁবুঢ়া সকল উপস্থিত থাকে ৷ কাৰবি আংলং স্বায়ত্তশাসিত পৰিষদৰ পৰ্যটন বিভাগে জলপ্ৰপাতটোক পৰ্যটনথলীলৈ ৰূপান্তৰিত কৰিবলৈ উদ্যোগ লবলৈ স্থানীয় ৰাইজে আহ্বান জনাইছে ৷
