কর্তব্যৰত আৰক্ষীক প্রহাৰ কৰি চিঙি নিলে অসম আৰক্ষীৰ বেজ আৰু ইউনিট ফ্লেগ ক’ড। যোৰহাট সদৰ থানাৰ সমীপৰ ডচ এণ্ড কোঃ চাৰিআলিত কর্তব্যৰত অৱস্থাত থকা যান বাহন আৰক্ষী বিষয়াক প্রহাৰ সুৰামত্ত দুর্বৃত্তৰ।
সুৰাৰ ৰাগীত মাতাল ব্যক্তিজনে চাৰিআলিত আন কেইবাজনো ব্যক্তিক প্রহাৰ কৰা ঘটনা প্রত্যক্ষ কৰি আৰক্ষী বিষয়াজনে বচাবলৈ গৈছিল মানুহ কেইজনক। কিন্তু ব্যক্তিজনৰ ৰোষৰ বলী হয় আৰক্ষী বিষয়াজন। ঘটনা সংঘটিত হোৱাৰ পিছতে আৰক্ষী উপস্থিত হৈ ব্যক্তিজনক আৰক্ষী থানালৈ লৈ আনে। এই ঘটনাই এতিয়া তীব্র চাঞ্চল্য সৃষ্টি কৰিছে। ৰাইজক নিৰাপত্তা প্রদান কৰা আৰক্ষী এতিয়া নিজেই সুৰক্ষিত নহয় যোৰহাটত।
