ASSAM TIMES POST
নিউজ ডেস্ক
অৰুণাচল প্ৰদেশে সাময়িকভাৱে পৰ্যটক আগমন বন্ধ কৰিছে৷ ৰাজ্যখন ভ্ৰমণ কৰিবৰ বাবে প্ৰটেক্টেড এৰিয়া পৰ্মিটৰ প্ৰয়োজন৷ কিন্তু অৰুণাচল ৰাজ্য চৰকাৰে ক’ৰ’ণা ভাইৰাছ সংক্ৰমিত নহ’বৰ বাবে এই পাৰ্মিট সাময়িকভাৱে দেওবাৰৰ পৰা বন্ধ কৰিছে৷
দেশত ক’ৰ’ণা ভাইৰাছ বিয়পি যোৱাৰ প্ৰতি লক্ষ্য ৰাখি ৰাজ্যখনৰ চৰকাৰে এই সিদ্ধান্ত লৈছে৷ উল্লেখ্য যে কেইদিনমানৰ আগতে ছিকিম চৰকাৰেও এই সিদ্ধান্ত লৈছিল৷ মন কৰিব লগীয়া যে সমগ্ৰ পৃথিৱীত এই ভাইৰাছ ৯৭ খন দেশলৈ সংক্ৰমিত হৈছে৷
