ASSAM TIMES POST
ডিফু : কাৰবি আংলঙৰ অসংগঠিত খণ্ডৰ মটৰ চালক আৰু শ্ৰমিক সকলৰ বিভিন্ন সমস্যাক লৈ ডিফুত এক গুৰুত্বপূৰ্ণ সভা অনুষ্ঠিত হৈ যায় ৷ ডিফু শিৱবাৰী শ্মশানঘাট পথৰ কাষত কাৰবি আংলং মটৰ শ্ৰমিক সন্থাৰ সভাপতি আব্দুল নুৰৰ পৌৰুহিত্যত ডিফুৰ ট্ৰাক চালক আৰু শ্ৰমিক সকলকলৈ অনুষ্ঠিত সভাখনৰ উদ্যেশ্য বাখ্যা কৰে কাৰ্যালয় সম্পাদক ছাইদুল ইছলামে ৷
সভাত সন্থাৰ জিলা সাধাৰণ সম্পাদক কৃষ্ণ ভট্টৰায়ে অসংগঠিত মটৰ চালক আৰু শ্ৰমিক সকলে নিজৰ জীৱনকো তুচ্ছ জ্ঞান কৰিও বিভিন্ন সা-সামগ্ৰীলৈ দূৰ্গম পথেৰে যাতায়ত কৰাৰ পিছতো ন্যুনতম দৰমহাৰে সন্তুষ্ট থাকিব লগীয়া হোৱাৰ লগতে চৰকাৰৰ কল্যাণমূলক আঁচনিৰ পৰা বঞ্চিত হব লগীয়া হয় ৷
ইয়াৰোপৰি মটৰ আইনৰ কঠোৰ আইনৰ ৰোষতো পৰি আৰ্থিক ভাবে হাৰাশাস্তি খাব লগীয়া হয় ৷ মটৰ চালক আৰু শ্ৰমিক সকলে একেটা মঞ্চৰ পৰা ঐক্যবদ্ধভাবে আগুৱাই গলে হয়তো তেওলোকৰ কথাও চৰকাৰে শুনিবলৈ বাধ্য হব ৷ এই সন্দৰ্ভত ৰাজ্যিক মটৰ শ্ৰমিকৰ সভাতো চৰ্চা কৰা হব বুলি কয় ৷
মটৰ চালক আৰু শ্ৰমিক সকলৰ সন্থাৰ পৰিচয় পত্ৰ আৰু জীৱনবীমা কৰাই লবলৈ আহ্বান জনায় সন্থাৰ সভাপতি আব্দুল নুৰে ৷ ইয়াৰোপৰি সভাত মটৰ চালক আৰু শ্ৰমিক সকলৰ পাৰিশ্ৰমিক আৰু বিভাগীয় উপযুক্ত নথি- পত্ৰলৈহে বাহন চলাবলৈ আহ্বান জনায় নেতাদ্বয়ে ৷ আজিৰ সভাত সন্থাৰ কেইবাগৰাকী কাৰ্যবাহী সদস্য আৰু সমাজকৰ্মী আৰু বাহন মালিক ৰূপছিং তিছ’ মটৰ শ্ৰমিক আৰু চালক সকলৰ সৈতে সদায় সহযোগিতা আগবঢ়াই যোৱাৰ আশ্বাস দিয়ে ৷
