পথ মেৰামতিৰ কাম কৰি থকা অৱস্থাত এখন তীব্ৰবেগী বাহনৰ চেপাত পৰে কমেও ২০ জন শ্ৰমিক (20 workers)। দুৰ্ঘটনাত ৮ জন লোকে প্ৰাণ হেৰুৱায় (8 people died in the accident)। বাকীসকল গুৰুতৰভাৱে আহত হয়। পঞ্জাবৰ সাংগুৰুৰ জখল ৰোডত (Jkhal Road of Sanguru in Punjab) সংঘটিত হৈছে এই ঘটনা।
নিহত শ্ৰমিকসকলৰ ভিতৰত ৬ গৰাকী মহিলা। তেওঁলোকৰ নাম হৈছে কৰ্মজিৎ কৌৰ, সৰ্বজিৎ কৌৰ, ৰঞ্জিত কৌৰ, কৰ্মজিত আৰু ৰাণী কৌৰ। আৰক্ষীয়ে নিহত পুৰুষ শ্ৰমিককো চিনাক্ত কৰিছে। তেওঁলোক হ’ল জিবন সিং আৰু দেশ ৰাজ। মৃত সাতজন শ্ৰমিক একেখন গাঁৱৰ। থিতাতে মৃত্যু হয় পাঁচজনৰ। তিনিজনক চিকিৎসালয়লৈ লৈ যোৱাত চিকিৎসকে মৃত ঘোষণা কৰে। স্থানীয় সূত্ৰৰ পৰা জানিব পৰা মতে, ছোটিয়ান গাঁৱৰ জখল পথ মেৰামতিৰ কাম চলি আছিল। তাত আছিল ২০ জনতকৈ অধিক শ্ৰমিক। তীব্ৰ বেগেৰে গৈ থকা এখন চেডান গাড়ী নিয়ন্ত্ৰণ হেৰুৱাই পথৰ পৰা আঁতৰি যায়। গাড়ীখনে এজন এজনকৈ ২০ জন লোকক মহতিয়াই নিয়ে। অভিযুক্ত চালকজনৰ নাম পৰাগৎ সিং কালা। তেওঁ স্থানীয় বাসিন্দা। দুৰ্ঘটনা সংঘটিত হোৱাৰ লগে লগে গাড়ীখন এৰি চালকজনে পলায়ন কৰে। সেই সময়ত হৰবীন্দ্ৰ সিং নামৰ যুৱক এজনে এটা কাৰখানাত কাম শেষ কৰি ঘৰলৈ উভতি আহি আছিল। তেওঁৰ চকুৰ সন্মুখতে সংঘটিত হয় এই দুৰ্ঘটনা।
তেওঁ কয় যে হঠাতে এটা প্ৰচণ্ড শব্দ আৰু চিঞৰ-বাখৰত তেওঁ স্তম্ভিত হৈ পৰে। দৌৰি গৈ এটা ভয়ংকৰ দৃশ্য প্ৰত্যক্ষ কৰে। বাহনখনৰ খুন্দাত দুৰ্ঘটনাত পতিত আটাইকেইজনেই কেন্দ্ৰীয় চৰকাৰৰ ভি বি জি-ৰামজী প্ৰকল্পত কাম কৰি আছিল। প্ৰত্যক্ষদৰ্শীয়ে দাবী কৰিছে যে কমেও ২৩ জন লোক আহত হৈছে। আন এজন প্ৰত্যক্ষদৰ্শীয়ে অভিযোগ কৰে যে কেৱল পথৰ ওপৰতে পাঁচজন লোকৰ মৃত্যু হয়। তেওঁ কয়, “এম্বুলেন্সলৈ ৰৈ থাকোঁতেই বহু সময় পাৰ হৈ যায়। বহু পলমকৈ আৰক্ষী আৰু প্ৰশাসনৰ কোনোবা আহে। চকুৰ সন্মুখতে ৰক্তাক্ত মানুহবিলাক ছটফটাই মৰি যোৱা দেখিলোঁ!”
স্থানীয় লোকৰ অভিযোগ যে দুৰ্ঘটনাস্থলীৰ পৰা থানালৈ দূৰত্ব বেছি নহয়। কিন্তু আৰক্ষী আহি পোৱাৰ পোন্ধৰ মিনিট আগতেই অভিযুক্ত চালকজনে পলায়ন কৰে। ঘটনাৰ পিছতে ৰাইজে পথ অৱৰোধ কৰি প্ৰতিবাদ আৰম্ভ কৰে। শীঘ্ৰে অভিযুক্তক গ্ৰেপ্তাৰ কৰাৰ লগতে মৃতকৰ পৰিয়ালক চৰকাৰী ক্ষতিপূৰণ দিয়াৰ দাবী জনায়। পঞ্জাৱৰ মন্ত্ৰী তথা স্থানীয় বিধায়ক বৰিন্দ্ৰ কুমাৰ গোৱেলে শোক প্ৰকাশ কৰি ক্ষতিগ্ৰস্ত পৰিয়ালসমূহক অনতিপলমে সহায় আগবঢ়োৱা হ’ব বুলি কয়। আৰক্ষীয়ে জনোৱা মতে, এইটো কেনেকৈ হ’ল সেই সন্দৰ্ভত তদন্ত আৰম্ভ কৰা হৈছে। পলাতক চালকজনক বিচাৰি বিভিন্ন স্থানত তালাচী চলাইছে।
