গোলাঘাটঃ অসমৰ জনপ্ৰিয় ফেচবুক গ্ৰুপ ’আজিৰ দিনটোৰ প্ৰথম খবৰটো’ৰ উদ্যোগত যোৱা ১ জুলাই পৰা অনুষ্ঠিত সদৌ অসম ভিত্তিত ’অনলাইন কুইজ প্ৰতিযোগিতা’ যোৱা ৩০ জুলাইত সুকলমে প্ৰথম পৰ্যায়টোৰ সামৰণি পৰে।
সম্পূৰ্ণ এমাহজোৰা প্ৰচেষ্টাত অসমৰ বিভিন্ন ঠাইৰ সৰ্বমুঠ ৩১৫ গৰাকী প্ৰতিযোগীয়ে অংশগ্ৰহণ কৰে। প্ৰতিযোগিতাৰ ’টপ-১০’লৈ নিৰ্বাচিত হোৱা প্ৰতিযোগীসকলৰ ভিতৰত চূড়ান্ত পৰ্যায়ত কেৱল তিনিগৰাকীক বিজয়ী ঘোষণা কৰাৰ লগতে উদগনিমূলক হিচাপে সাতগৰাকীক পুৰস্কৃত কৰা হয়।
প্ৰতিযোগিতাত কামৰূপৰ ঋতু ৰাজ দত্তই প্ৰথম, কামৰূপৰ তুলেন লহকৰে দ্বিতীয় আৰু বাক্সাৰ ভাস্কৰজ্যোতি ডেকাই তৃতীয় স্থান লাভ কৰে৷ আনহাতে প্ৰতিযোগিতাত উদ্গনিমূলক পুৰস্কাৰ লাভ কৰে ক্ৰমে শিৱসাগৰৰ সঞ্জীৱ গগৈ, গোলাঘাটৰ নিলিম গোলাপ নিয়ৰ, গোলাঘাট কমাৰবন্ধাৰ কুমকুম বৰা, শিৱসাগৰৰ গীতাঞ্জলী শইকীয়া, শিৱসাগৰৰ নমিতা ৰাজখোৱা, গোলাঘাটৰ গীতুমনি বৰা পূজাশ্ৰী আৰু লক্ষীমপুৰৰ লক্ষ্যজিত শইকীয়া।
গ্ৰুপৰ প্ৰশাসক মৃণাল শইকীয়াৰ পৰা জানিব পৰা মতে, প্ৰতি মাহেই অনুষ্ঠিত হ’বলগীয়া অনলাইনত কুইজ প্ৰতিযোগিতাখনিত সকলো বয়সৰ লোকে অংশগ্ৰহণ কৰিব পাৰিব। লগতে গ্ৰুপৰ উত্তৰণ দিশত পৰামৰ্শ আৰু সহযোগিতা আগবঢ়োৱা পৰিচালনা সমিতিৰ সভাপতি অৰুণ কোঁৱৰ, সম্পাদিকা বিনীতা গগৈ, সাংস্কৃতিক সম্পাদক অনুভৱ প্ৰিয়ম বিদ্যান আৰু সমূহ সদস্য-সদস্যাৰ শলাগ লয়। শেষত, গ্ৰুপৰ পৰিচালনা সমিতিৰ তৰফৰ পৰা প্ৰতিজনকে আন্তৰিক শুভেচ্ছা জ্ঞাপন কৰাৰ লগতে উজ্জ্বল ভৱিষ্যৎ কামনা কৰে।
