ASSAM TIMES POST
ডিফু : প্ৰকৃতিৰ ৰুষ্ট ৰূপত মাৰাত্মক কৰ’না ভাইৰাছৰ মহা ত্ৰাসৰ সময়ত ভাৰতৰ বিভিন্ন ঠাইত আবদ্ধ হৈ পৰা কাৰবি আংলঙৰ বিভিন্ন শ্ৰেণীৰ লোক সকলৰ সহায়ৰ বাবে কাৰবি আংলঙ স্বায়ত্তশাসিত পৰিষদে পৰ্টেল ওৱেবছাইট এপছ মুকলি কৰিছে ৷
মহামাৰী সদৃশ COVID19 ৰ পৰিপ্ৰেক্ষিতত হোৱা লকডাউনৰ বাবে ভোকে- পিয়াহে অনাহাৰে বিভিন্ন স্থানত আব্দ্ধ হৈ পৰা সহস্ৰাধিক কাৰবি আংলঙৰ লোকক সহায়ৰ হাত আগবঢ়াবলৈ কাৰবি আংলং স্বায়ত্তশাসিত পৰিষদে karbianglong.com.in/covid19, kaac.com.in/covid19 পৰ্টেল ওৱেবছাইট মুকলি কৰিছে ৷
এই ওৱেবছাইটৰ জৰিয়তে আবদ্ধহৈ পৰা লোক সকলক তেওঁলোকৰ স্থান, সদস্য, বেংক একাউণ্ট নম্বৰ উক্ত স্থানৰ অৱস্থা আৰু পৰিস্থিতি এই পৰ্টেল এপছৰ জৰিয়তে বিৱৰণ সহ দাখিল কৰিবলৈ কোৱা হৈছে ৷ কাৰবি আংলং স্বায়ত্তশাসিত পৰিষদৰ আই টি বিভাগে জানিবলৈ দিয়া অনুসৰি বহিঃৰাজ্যত পাহাৰীয়া জিলা কাৰবি আংলঙৰ দহ সহস্ৰাধিক শ্ৰমিক আবদ্ধ হৈ পৰিছে ৷
